張致恒深夜反擊被指借錢要老婆肉償親認搵疊碼仔攞老竇生果金度日

2023-08-17 11:45

現年38歲的張致恒（Steven）2019年與粉絲區燕雯（雯雯）奉子成婚，先後誕下三名兒子，雖然二人多次鬧婚變，女方更公開怒插老公又懶又廢，不停呻窮，但上月雯雯忽然認懷第四胎。正當大家以為他們和好如初，雯雯上周又爆老公婚後仍四出溝女，日前更貼出拖行李的照片，疑似離家出走。今日（17日）凌晨張致恒再次「蒲頭」，於社交網撰長文親認四圍借錢。

【相關閱讀】：雯雯挺巨肚拍一照疑暗示離家出走？數完老公張致恒直言要冷靜

【點擊睇張致恒反擊全文】：

張致恒與雯雯在2019年9月簽紙結婚。

張致恒曾被爆「一腳踏五船」。

張致恒與雯雯結婚逾三年，育有三個兒子。

細仔去年6月出生。

雯雯一直被傳婚變，不過早前又再懷孕，引來網民討論。

雯雯經濟有困難，多次得到網民相助。

雯雯不時大呻經濟有問題，早前更自爆疑受老公連累被追債。

試過分享上網買BB車被騙經歷，得到熱心網民送贈雙人BB車。

張致恒幾乎沒有收入，雯雯猶如單親媽媽。

張致恒曾北上登台，但表現被批評，事業未見有起色。

雯雯曾出post鬧爆張致恒又懶又廢，對小朋友冇責任心。

雯雯多次出post鬧爆張致恒。

沒錢讓囝囝搭車返學。

雯雯多次發文數臭老公。

雯雯曾鬧爆張致恒「一毫子都冇拎過出嚟」。

更直指是被張致恒逼癲。

張致恒疑因多次被妻公開批評而影響事業。

張致恒終於在天水圍小食店工作，但雯雯又再放負。

雯雯狂數老公，轉頭又認有第4胎。

有網民私訊雯雯，問及交租狀況及有否考慮放棄第四胎等問題，雯雯坦承即將「卸貨」。

雯雯早前曾決定不再公開個人IG內容，並開設新帳號採付費制。

雯雯透露新IG帳號將採取會員制，月費50元。

雯雯日前陷KOL風波，更有假冒賬號出現；張致恒亦暌違一年再發文，罕有發聲護妻。

張致恒頻頻更新IG，似乎要為自己改形象！

舉家去書展，大細仔一齊睇圖書。

近日出po搵人贊助登台衫，原來他已沒有回天水圍小食店工作。

二仔返預備班。

雯雯日前曾貼出孕照，更指自己日日都着呢件黃色鬆色裙。

張致恒早前突然開直播，自揭與老婆雯雯關係。

張致恒自言與Kenny仍有聯絡。

雯雯再次發長文放負。

指老公張致恒婚後仍然不停追求異性。

雯雯挺巨肚疑似離家出走。

有指一名富二代兼網紅日前於IG連環公開張致恒周圍借錢的語音及短訊截圖。

張致恒被指於五花八門的藉口向朋友借錢。

有指張致恒甚至稱急需借一萬「如果唔係老婆就要肉償」。

張致恒被爆欠廣州經理人公司30萬、今年4月有Job亦臨時放飛機。

張致恒甚至被指攞老竇生果金度日。

張致恒今日（17日）凌晨於社交網撰長文親認四圍借錢。

張致恒反擊全文。

事緣有報道指，一名富二代兼網紅Sean Lam早前被拒加入雯雯開設的會員制IG帳號，日前該網紅於IG連環公開張致恒周圍借錢的語音及短訊截圖，當中借錢理由包括「為工人籌集醫藥費」、「今日啲小朋友無飯食」、「借住幾百蚊嚟搭車先啦」等，甚至指急需借一萬「如果唔係老婆就要肉償」。張致恒今晨疑就此發文，控訴一家被某網紅欺凌：「我想講嘅係網絡欺凌呢件事真係好嚴重，一件完全唔關任何人事嘅事，竟然可以俾一位網紅隨意欺凌，第一樣嘢係我完全唔識得呢一個人，亦都對呢一個人冇興趣，但係佢就一而再再而三咁樣網上欺凌我一家，其實佢係想點呢？係想睇到我哋一家自殺定係點樣呢？」

他承認曾經犯錯，這四年間已迷失到不懂向前行，並坦言要周圍借錢度日：「入咗行咁多年嘅我，唔係話放低就可以完全放得低，所以當我冇任何辦法嘅時候，由朋友到大耳窿甚至乎澳門嘅疊碼仔我都借過錢，用盡任何辦法去借，因為我唔知道我可以點做，但係我越借就越泥足深陷，我畀（嘅）其中一個缺點就係當遇到麻煩事好容易就會選擇咗逃避，所以一直以嚟我都係做錯，而家有咗小朋友，好努力去改呢一個缺點，但係都係好難，因為呢個世界總會有一啲仆街想你死，講真…其實我真係好攰，一直以嚟死撐到而家，無非都係想見到小朋友快樂成長。」

否認囝囝智力出問題

對於跟友人的聊天對話流出，張致恒稱不想多作回應，但強調：「首先第一樣嘢我冇用老婆嚟肉償，第二樣嘢我只係講我嘅小朋友當時未搵到學校，我好驚佢要讀特殊學校，並唔係嗰位網紅所講我個仔低B，第三樣我老竇佢一直都好擔心我，佢係曾經有將佢嘅生果金畀我做生活費，但係唔係個個月畀我，只係畀咗一兩次！」

至於被爆欠廣州經理人公司30萬、今年4月有Job亦臨時放飛機，張致恒自言一直好努力搵機會、以不同方法去搵錢，更表示「真係好想還晒啲錢」，奈何收入不夠家中支出，故向伸出援手的朋友們致歉：「我會盡我嘅能力用最快嘅速度還番晒畀你哋，至於網絡暴力同埋網絡欺凌我就冇計了，只能夠講你哋要X你哋要笑就隨便，但係我懇請你哋要笑嘅就笑我好啦，禍不及妻兒，你哋要鬧我可以企喺度俾你鬧，你哋要笑我亦都可以企喺度俾你笑，但係觸碰到我家庭嘅任何一個人我就冇辦法容忍，雖然我唔知我有咩可以做到，但係我都會用盡辦法去反擊，因為我真係好愛我嗰家！」