星8卦丨「西瓜」出埠食女戒心重手段高一晚三個至夠數

2023-04-14 10:00

講到食女王，近年「西瓜」認咗第二無人敢認第一！吸收咗「盲炳」嘅蠢，「西瓜」都係鍾意出埠至滿足自己嘅獸慾，「西瓜」叻在利用自己多迷妹，有乜好得過食粉絲慳水慳力，去到邊就睇下嚟追星嘅粉絲，啱自己要求就叫經理人出手，當晚就上酒店房搞掂。

每次入房前，經理人都要粉絲放低晒隨身行李，十足皇帝以前寵幸妃嬪咁，搜晒身光脫脫咁抬入房，因為盲炳當日就係唔小心俾人設局，搞到一身蟻。入到房「西瓜」都係要對方除晒衫，保證無蠱惑至Happy，佢嘅警戒心之高，亦會同床上嘅女人講自己真心，希望對方愛自己就唔好亂講，奇在啲粉絲真係愛到事後唔敢唱，認為咁樣係支持偶像嘅行徑。

不過令人震驚嘅係可以一晚安排兩至三個粉絲上房，「西瓜」精力之驚人，連經理人話估唔佢唔到，所以知道主子心意，都會預備多一兩個人選以備不時之需。

之所以咁耐都唔出事，「西瓜」只揀離開家鄉愈遠嘅城市放縱，返到自己地方，佢就擺出一副只愛男人嘅姿態，令同鄉以佢對女人無興趣，而「西瓜」本人亦對女同行保持禮貌距離，緋聞從未出現過，身家非常清白。

「西瓜」食女手段之高唔講唔知，因為係家鄉佢好高調有位朋男友仔，誤導佢嘅性取向，實情呢位仁兄男女都啱，有殺錯無放過。