星8卦丨「細眼」搶阿姐工作捱鬧犯眾憎被迫收皮

做人最緊要係乜？有自知之明囉！以下「細眼」嘅故事大家值得借鏡。喺舊公司「細眼」係一姐，間公司細咪做一姐，但去到大機構，仲以為好似以前咁咩，即時無車無司機，亦無專屬經理人。

「細眼」初來到埗唔知掟，多多要求，人人都係一個經理人幾份用，佢就要求多多，麻煩到死。無意中俾「細眼」知道有個大廣告要搵公司其中一位阿姐級做代言，於是同經理人「Q姐」話好想拍，佢一向有大食大，對助手唔好就梗㗎啦，平時擦晒「Q姐」鞋，好說話講盡又送禮，同「Q姐」話自己好有興趣拍。

其實個客一直同「Q姐」表示想起用「鎮寶」，唱得跳得名氣夠，只要「鎮寶」肯接，俾多3倍錢都無所謂，問題係「鎮寶」準備緊另一個大project，十五十六未揸定主意。
「細眼」見機不可失，竟然主動聯絡客戶，話自己好有興趣又可以收得平啲，點知個客一啲都唔受，仲打電話搵「Q姐」問點解咁突兀，激到「Q姐」走去搵老闆投訴，畢竟「細眼」係「紅人」介紹俾老闆，未摸清底細，梗係唔敢亂嚟。

點知老闆知道大怒，覺得唔尊重「鎮寶」，即刻召「細眼」返公司訓話，鬧到狗血淋頭。「鎮寶」知道「細眼」咁多小動作，叫「Q姐」點都度期拍咗佢，好過益啲無謂人。

由頭到尾都係「細眼」以為入到大公司身價唔同，仲可以作威作福，大把人俾自己駛，點知太好嘅自我感覺，令佢犯眾憎，加埋嫁人後市場價值大跌，依家成日好似死狗咁過日子。

【相關文章】：

星8卦｜「威哥」充闊佬個個月送老婆限量包包  自己慳家特賣場執平貨

星8卦｜「大眼」搞散老闆頭家 得罪正室被雪藏 結果要搵老襯埋單

星8卦｜「冠軍」被利用拆散有婦之夫 結果情人遇意外變植物人 決心落仔再嫁有錢佬

 

《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料：https://bit.ly/3IMunqd
你的獨家報料一旦被採用及報導，將獲得乙份獎品。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ