Juicy叮｜打工仔日日OT致偏頭痛 網民關注一細節斥公司文化有問題

打工仔即使工作再忙碌，亦要小心身體。有網民在網上發文指，其朋友入職近3年，在首年已需每日加班，近日更因壓力太大，導致每日亦會偏頭痛，直言「返工返到咁值得咩？」 網民則留意到一個細節，並直言公司的文化有問題。

該名網民日前在香港討論區以「返工返到咁值得咩」為題發文，指一名朋友由入職到現時已有約3年，並指在其入職首年已聽聞對方需要「日日OT」。樓主續指，「最誇張成team人冇嘢做都喺公司留到3點先走，第二日9點準時返到公司，冇得claim的士錢，所以聽佢講有啲同事會留喺公司瞓」。

樓主續指，從朋友入職至今已不時聽到對方反映身體不適，直到近日因為壓力太大而導致每日亦會偏頭痛，「又話會痛到想嘔」，但自己作為朋友不知道應該如何勸喻對方放假休息一下。樓主指，醫生向朋友表示，因為其壓力太大才會出現頭痛，所以朋友在求醫後向公司反映希望可以準時下班，「仲要畀佢上司串佢弱雞，少少事就話唔舒服要請假/準時收工」。樓主則直言，「唔夠瞓又冇點放過假，唔大壓力就有鬼啦」，並指「知道朋友好熱愛佢份工，但係佢咁搞法真係有啲驚佢會猝死」。

樓主指，朋友每日亦會偏頭痛，「又話會痛到想嘔」。iStock圖片

相關新聞：

Juicy叮｜求職者到IT公司見工 經理：「OT係職責及份內事」：https://bit.ly/3FdBZ26
Juicy叮｜打工仔遭上司炮轟連續4晚OT至凌晨 陷情緒病匿埋公司廁所喊：https://bit.ly/3BpIGgz
Juicy叮｜中學同窗IVE畢業月入40K兼做業主 大學港男悔恨：點解當年唔降多我幾分：https://bit.ly/3HIIGwb
 

有網民指出，「樓主嗰朋友，連自己身體都唔理，都要留住呢份工，可能真的極需要呢份工」、「如果咁應該一早要轉工」、「唔值」、「錢應該夠高吧？係錢多先有動機咁捱法。如果錢少，邊有人鬥勤力、鬥遲放工啊」、「量力而為，自己捱唔到嘅就唔做」等。

另有網民則留意到樓主所提及的「成team 人無嘢做都留喺公司到3點先走」，並指「咁即係扮忙？咁應該唔會壓力大喎，間公司只係燃燒班staff嘅時間」、「點解無嘢做都要OT先？」、「冇嘢做都留到3點? 根本間公司嘅返工culture 出咗好大問題，依家搵錢啫，又唔係賣命，叫你朋友搵過第二份工吧啦」等。

帖文來源：香港討論區

 

《星島頭條》APP經已推出最新版本，請立即更新，瀏覽更精彩內容：https://bit.ly/3yLr