Juicy叮｜打工仔日日OT致偏头痛 网民关注一细节斥公司文化有问题

打工仔即使工作再忙碌，亦要小心身体。有网民在网上发文指，其朋友入职近3年，在首年已需每日加班，近日更因压力太大，导致每日亦会偏头痛，直言「返工返到咁值得咩？」 网民则留意到一个细节，并直言公司的文化有问题。

该名网民日前在香港讨论区以「返工返到咁值得咩」为题发文，指一名朋友由入职到现时已有约3年，并指在其入职首年已听闻对方需要「日日OT」。楼主续指，「最夸张成team人冇嘢做都喺公司留到3点先走，第二日9点准时返到公司，冇得claim的士钱，所以听佢讲有啲同事会留喺公司瞓」。

楼主续指，从朋友入职至今已不时听到对方反映身体不适，直到近日因为压力太大而导致每日亦会偏头痛，「又话会痛到想呕」，但自己作为朋友不知道应该如何劝喻对方放假休息一下。楼主指，医生向朋友表示，因为其压力太大才会出现头痛，所以朋友在求医后向公司反映希望可以准时下班，「仲要畀佢上司串佢弱鸡，少少事就话唔舒服要请假/准时收工」。楼主则直言，「唔够瞓又冇点放过假，唔大压力就有鬼啦」，并指「知道朋友好热爱佢份工，但系佢咁搞法真系有啲惊佢会猝死」。

楼主指，朋友每日亦会偏头痛，「又话会痛到想呕」。iStock图片

相关新闻：

Juicy叮｜求职者到IT公司见工 经理：「OT系职责及份内事」：https://bit.ly/3FdBZ26
Juicy叮｜打工仔遭上司炮轰连续4晚OT至凌晨 陷情绪病匿埋公司厕所喊：https://bit.ly/3BpIGgz
Juicy叮｜中学同窗IVE毕业月入40K兼做业主 大学港男悔恨：点解当年唔降多我几分：https://bit.ly/3HIIGwb
 

有网民指出，「楼主嗰朋友，连自己身体都唔理，都要留住呢份工，可能真的极需要呢份工」、「如果咁应该一早要转工」、「唔值」、「钱应该够高吧？系钱多先有动机咁捱法。如果钱少，边有人斗勤力、斗迟放工啊」、「量力而为，自己捱唔到嘅就唔做」等。

另有网民则留意到楼主所提及的「成team 人无嘢做都留喺公司到3点先走」，并指「咁即系扮忙？咁应该唔会压力大喎，间公司只系燃烧班staff嘅时间」、「点解无嘢做都要OT先？」、「冇嘢做都留到3点? 根本间公司嘅返工culture 出咗好大问题，依家搵钱啫，又唔系卖命，叫你朋友搵过第二份工吧啦」等。

帖文来源：香港讨论区

 

《星岛头条》APP经已推出最新版本，请立即更新，浏览更精彩内容：https://bit.ly/3yLr