Juicy叮｜打工仔呻返hea工返到懷疑人生 網民：「身在福中不知福」

較悠閒的工作還是較忙碌的工作會較好？有打工仔在網上發文，大呻其月薪1.3萬的工作是「hea工」，並指「返到懷疑人生 」。相關帖文隨即引起熱議，有網民則批評樓主「身在福中不知福」。

該名打工仔在香港討論區以「返hea工返到懷疑人生」為題發文，指自己是大學的文科畢業生，經朋友介紹下，任職一份月薪1.3萬的「廢工」，每日工作3小時，「就等食飯等收工，睇片都睇到悶，覺得消耗緊人生」。樓主又指，現時的目標甚為簡單，希望找一份月薪1.5萬元起的工作，即使忙碌亦沒有問題，但希望是文職，並指自己「識普通p圖、基本電腦功能，英文ok」，並向網民請教尋找工作的途經。

相關帖文隨即引起熱議，不少網民認為「除非唔夠生活，差2~3千當然係hea工啦」、「反正都係共富路線，緊係hea工啦」、「有糧出有錢用咪得囉傻仔，有hea工唔做做辛苦工，你係咪咁犯賤」、「身在福中不知福」等。另有人則認為，「啱啱畢業確實唔好做太hea嘅工，如果唔係到咗中年，唔好彩無得hea就會好難頂」。

有人則建議樓主善用時間，並指「返Hea工，再用空餘時間搞副業，人工高過15k」、「有13k做三個鐘都ok，之後咁多時間應該搵副業，例如上網賣野，你依家等同有13k底薪，但你另願去做15k狗工，日日做到隻狗咁，奇怪」、「Hea工空餘時間學炒股，絕對可以學到好多，包括時事、經濟、財務、理財」等。

帖文來源：香港討論區