Edan自認體能差長跑頂唔順 阿媽讚演戲有進步冇以前咁尷尬

MIRROR成員呂爵安（Edan）今日以渣馬宣傳大使身分，與跑手黃啟樂及羅映潮齊為活動拍攝宣傳片，Edan自認體能差，短跑還可以，長跑頂唔住，但今次都有點心郁郁想挑戰渣馬，笑言成為第一個邊跑邊做心心動作的人。他又說近年拍了一、兩套運動劇，才一直操弗保持狀態，但拍罷《I SWIM》即體能下降。

Edan想挑戰渣馬。

笑言成為第一個邊跑邊做心心動作的人。

表示拍完《I SWIM》即體能下降。

Edan表示阿媽讚佢演技好咗。

表示入咗叱咤樂壇頒獎禮「我最喜愛的男歌手」5強已好開心。

Edan年尾會再出多首Solo歌。

Edan表示暫未能探望阿Mo。

回到母校港大拍攝，Edan表示回憶也返來，亦有叫現正就讀港大的妹妹「小如豬」來探班。問到讀書時是否校內風頭躉？他笑說：「由細到大都係，小學、幼稚園都係，因為我鍾意表演，喺宿舍會唱歌跳舞、做drama，比較活躍。」另外，Edan近日頻為主演電影《過時·過節》謝票，過幾日又會走20場謝票，他說：「老實講未必每個人想睇一套較沉重和節奏慢嘅戲，見到成績唔錯幾開心。阿媽阿妹都有睇，佢哋讚好睇，阿媽讚我進步咗，冇以前咁尷尬。（是否想衝破千萬票房？）依家800萬，目標set遠啲希望2000萬。」談到打入叱咤樂壇頒獎禮「我最喜愛的男歌手」5強，他表示入5強已很開心，因只出了一首Solo歌，年尾會再出多首，感謝粉絲支持。

Edan在《過時·過節》中飾演不孝子。

對於登上「十大熱搜娛樂圈人物」第二位，Edan表示多謝大家搜尋，笑言有些人可能未見過他名字才搜尋，至於MIRROR熱搜榜比去年下跌，他說因MIRROR太多人識已沒被搜尋，自己無人識才被搜尋，但他隨即醒覺榜首是姜濤，即補鑊笑稱姜濤太正而成為熱搜。此外，緋聞女友袁澧林新戲上映會否支持，他表示會互相支持，對方也有參演《過》片。問到有冇說話向阿Mo說，他希望對方早日康復，奇蹟出現，盡能力幫助他，但暫未能探望對方，要經對方家人和各樣許可，希望未來有機會探望。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ