古天樂驚喜撐《過時‧過節》毛舜筠親下廚獲Edan雞手鴨腳幫拖搞爛Gag
2022-11-07 15:50 
前日(5日)是毛舜筠（毛姐）的生日，她在網上頻道Mo Moments上載了新片「毛姐飯堂之《過時•過節》生日飯聚」，身為藍帶廚藝認證的她親自下廚，呂爵安（Edan）就幫手備料，宴請電影《過時•過節》導演曾慶宏、「表姐」Angela、藝術總監文念中，更獲好友古天樂任神秘嘉賓作客。片中飾毛姐愛子的Edan，今次自告奮勇做廚房助手，但就雞手鴨腳，下廚過程更問了不少令人意想不到的問題，如毛姐介紹以泰安雞用作手撕雞的食材，Edan卻問：「咁有冇爵安雞？」令毛姐哭笑不得：「你想做雞？」
【點撃睇呂爵安（Edan）雞手鴨腳】：
下廚期間，Edan講到拍《過》片的心路歷程，坦言：「係入行以嚟最緊張嘅一部，又冇安全感，因為唔係自己一貫做開嘅類型，擔心自己一個人會破壞整部電影。真係好lost，初時自己只係識好細聲講嘢，但毛姐提我講大聲啲同清楚啲，之後佢同我惡補每一句，之後再約埋去導演度，逐句逐句去研究，應該點樣講。」毛姐則搞笑追問，「你平時係咪講開英文？」Edan卻幽默回應：「我平時唔講嘢！」而Edan表示拍了此片後，對屋企的價值觀有所反思：「你一出世，嗰啲就係你嘅家人，呢個連結就係一世。通常對屋企人永遠都係最差嘅一面。」毛姐也大表認同：「對屋企人係最真實嘅一面，唔使保留。」
古仔除了大讚毛姐對廚藝的追求，更大讚她對香港電影的熱情：「唔係呢餐飯咁簡單，係佢對香港電影業嘅熱愛，我哋香港嘅電影業做得好辛苦，但佢仲有心咁去整一餐飯，鋪排咁多嘢，佢唔係淨係呢部戲喎，所有佢主演嘅戲都係咁做。我最敬佩佢係願意同新人合作，帶動啲新人，所以佢同我講起呢部戲，我話（支持）絕對冇問題，同埋你問我， 我哋都想香港電影業好，所以我哋必須攜手努力做好佢！」
【其他文章】：
張繼聰謝安琪5歲囡囡唱BLACKPINK零甩嘴 網民追問：媽咪啲歌有冇咁熟？
謝安琪要求張繼聰由頭再追過咁先有新鮮感 爆當年獲老公熱烈追求
「雞排妹」鄭家純收入來源曝光？ 醫美官司揭資產6位數住千萬豪宅秘密
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應