過時過節丨Anson Lo感謝毛姐教演戲 Edan被讚心態好肯主動追問
2022-11-15 20:15 
導演曾慶宏表示，《過時‧過節》是香港人的寫照，道盡耐人尋味的家庭關係，如母親阿玲（毛舜筠）的倔強與父親阿真（謝君豪）的不擅表達引致矛盾，下一代受其影響，女兒阿琪（談善言）事事恐懼，兒子阿陽（呂爵安）就選擇逃避。
作為局外人的表姐阿Joy（袁澧林）和雀仔（盧瀚霆）對於親友的狀況，想改變卻有口難言。而盧瀚霆(Anson Lo)首度為其角色透露更多：「我嘅角色叫雀仔，係阿陽（呂爵安）嘅Best Friend，我同佢一齊run一間遊戲公司，性格好樂觀好動，對任何事都冇咩所謂。」Anson Lo更透露，特別感謝毛姐付出寶貴的私人時間，去提點他需要注意的細節：「拍呢三場嘅時候，毛姐三日都喺度睇，就算冇佢嘅戲分，off camera嘅時候，佢會即刻行埋嚟同我講話『你邊個位可以做得好啲』，佢教咗我好多，從來未聽過同未學過嘅嘢。」
對於參與《過時‧過節》，Anson Lo和Edan形容是超越自己的一次嘗試，Anson Lo坦言：「今次同呂爵安拍戲，戲中嘅角色性格好似同真實嘅我哋交換咗咁，我真人比較高冷，佢就比較熱情。」而Edan則表示：「今次角色唔係大家熟悉嘅Edan，唔係《男排女將》入面嘅阿臣，唔係《大叔的愛》入面嘅阿田，阿陽呢個角色係一個好深入內在，好多層嘅角色。」
對於一眾新晉演員的投入，令片中兩位好戲之人，影帝謝君豪和影后毛舜筠倍感安心，一向出名對新演員疼錫有加的毛姐指，對Edan印象特別深刻：「同好多新演員合作過，Edan成日都會好主動去追問『點樣可以做得好啲？』呢個心態好緊要，佢係會成功嘅。」
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應