過時過節丨首場優先場千張飛半小時賣晒 毛姐Edan教主激讚導演

新銳導演曾慶宏執導的《過時•過節》，先後於釜山影展舉行世界首映及於香港亞洲電影節開幕禮中打響頭炮，首場優先場近千張戲票於今日中午12時開賣，半小時內火速售罄。電影公司同日更推出製作特輯，導演曾慶宏坦認《過時•過節》啟發自個人故事：「我真係離開過自己嘅原生家庭，而隔咗一段時間返過屋企食一餐冬至飯，有啲屋企人坐喺度，亦有啲已經唔喺度，究竟佢哋係點睇呢個屋企？所以我嘗試用劇本去疏理呢啲感受同諗法。」

演員大合照背後的是戲中毛姐的祖屋，即馮素波的屋企。

毛姐、Edan及Al均讚好導演曾慶宏(左三)。

開拍前，導演花上不少時間跟演員溝通，互相交流對角色的想法。真性情的毛舜筠(毛姐)更於製作特輯中公開對導演的愛：「Eric（導演曾慶宏）我真係好愛你，我好少話愛一個導演，呢個劇本係佢自己嘅故事，因為了解，所以大家充滿默契。」謝君豪亦相當欣賞導演的處理：「導演嘅諗法，加上演員嘅角度互相溝通，今次係公平情況底下一齊創作。」而一向害羞的談善言笑言自己特別踴躍：「導演好open mind，呢部電影好大膽寫好多條綫，平均講晒屋企人入面每個人面對嘅問題，所以我試鏡嗰陣特別踴躍，表明自己好想參與呢部戲。」

戲中兩人飾演父子但無乜父子情。

呢家人冇乜愛。

戲中一家，談善言是Edan的胞姐。

MIRROR兩位成員Edan及Anson Lo亦異口同聲表示與導演相處非常愉快，Edan說：「導演畀我嘅感覺好似朋友，同佢合作有一個最friend嘅感覺。」而Anson Lo則指：「導演係一個好冇架子嘅人，好易親近，亦都好易傾到偈。」

戲中Edan及AL係老友。

11月24日上映。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ