Ansonbean朋友去晒英國生日冇人約 Aka天生好酒量飲醉會打筋斗

2022-11-18 13:45

Ansonbean、趙慧珊（Aka）、張蔓莎及胡子彤等昨晚到中環出席威士忌活動，一向有飲酒的Ansonbean表示為免喝醉，每次飲酒前也會作出充分準備，如食pizza、解酒丸及飲奶等，笑言這樣便可保障人生安全，問到有沒有試過飲醉？Ansonbean表示有，但醉了後最多也只是頭暈或睡覺：「最壞嘅打算都係扣喉。」

Ansonbean有飲酒習慣。

張曼莎

胡子彤

陳澤言

下周二是Ansonbean 的22歲生日，他稱暫時只約了家人食飯慶祝：「其他未確定，我大部份朋友都去咗英國，所以未必約到。（有冇女仔約？）冇喎，慘！」提到生日願望，Ansonbean表示希望作品會有更多人喜歡和繼續進步，亦期望疫情能快點減退。

ANSONBEAN下周二生日。

佢話冇女仔約喎。

同場的Aka就說自己天生好飲得，故不需要訓練酒量，雖然飲醉酒的情況不多，但她就指飲醉後會好大件事：「我會打筋斗、做拱橋，同埋講啲好不禮貌嘅說話。」Aka透露近期為預計在年底開拍的新戲做準備，除了要練吊威吔及功夫外，亦要進行MMA 搏擊訓練，雖然訓練時搞到周身傷及肌肉痠痛，但她就完全不怕辛苦：「我好開心，一直以來我都好想做動作演員，雖然吊威吔嗰陣會整到微絲血管爆裂，但我好享受呢個感覺。」