她和她的戀愛小動作丨栢天男獲吳家忻撐傘自爆現實有女仔主動擋雨

2022-10-17 23:15

由陳毅燊（ANSONBEAN）、吳家忻（Kayan9896）及林千渟主演的原創劇《#她和她的戀愛小動作》正在「黃Viu」熱播，男神栢天男有份客串演「超級靚仔」，並在日前的一集出場，劇情講述他在雨中遇到家忻，對方為他遞上雨遮，二人更在傘下雨中漫步，好浪漫。
對於在劇中被稱「超級靚仔」，栢天男笑言沒有壓力：「可能角色係日本人嚟，所以有四個字，自己好容易投入角色，因為我成日都俾人誤會係日本人；其實今次拍劇都好輕鬆，仲可以聯想以前浪漫嘅時光，帶畀觀眾唔同感覺。」

栢天男與吳家忻在劇中有一段浪漫小插曲。

吳家忻為栢天男抹去雨水。

輪到栢天男出手！

自爆「理想型」著重溝通
問到栢天男今次拍攝勾起甚麼浪漫回憶？他自爆試過有陌生女子在雨中向他遞上雨遮：「除咗拍廣告有類似落雨冇帶遮，有女仔遞遮遮我之外，現實生活都發生過類似情況，男仔唔帶遮好平常，有次落雨，我冇遮企喺十字路口等過馬路，有個女仔主動過嚟遮我，非常感動，大家唔好誤會，最後我冇攞對方電話。（靚仔先有咁待遇？）唔係嘅，香港人好Nice。」
俗語有云，女追男隔層紗，問到栢天男可會接受主動出擊追求他的女仔？栢天男認為OK，「香港女仔比澳洲女仔積極，但總不能所有嘢都畀晒個女仔主動，男仔都要騷返啲風度。」說到自己的理想型，栢天男笑言最喜歡是能夠「溝通到、啱Channel」的女生。