極度俏郎君丨被193踢爆保錡愛睇張慧儀性感戲宣萱首跟ERROR拍劇驚四子轉數快感壓力

2022-11-17 22:17

ERROR、姜皓文（黑哥）、宣萱及張慧儀等今日出席ViuTV新劇《極度俏郎君》開鏡拜神，保錡讚宣萱靚女，被193踢爆他都鍾意看張慧儀的性感電影，保錡直言見到慧儀姐會緊張，但加咀戲則未有心理準備。宣萱首次合作，知ERROR轉數好快而感到壓力。

ERROR、姜皓文（黑哥）、宣萱合作拍ViuTV新劇。

宣萱及黑哥對住轉數快嘅後輩都有壓力。

ViuTV新劇《極度俏郎君》今日開鏡拜神。

ERROR對住性感女神張慧儀變得好正經。

保錡被193踢爆喜歡張慧儀。

宣萱追看《ERROR自爆96小時》睇到喊

劇中飾演「四大金光」的ERROR以古惑仔造型示人，成員肥仔（梁業）表示今次「自肥」演出，笑言內心很多打鬥場面只是沒機會拍出來，因預算問題，其餘3人即喝他說：「你講咩呀？我哋好多Budget，係肥仔冇！」對於今次跟宣萱與姜皓文合作，Dee透露原來宣萱有追看《ERROR自爆96小時》更睇到喊，令他很意外。保錡更自爆見到宣萱時，忍不住跟她說「你好靚！」193隨即踢爆保錡喜歡張慧儀，經常看她以前的性感電影，保錡直言見到慧儀姐會緊張，問到會否加咀戲？保錡笑言：「我心理上未準備好，同男人我準備好晒！」193則指自己在劇中跟一個女角色有咀戲。至於是否夠膽在一眾前輩面前爆肚，肥仔說：「有啊，我哋好多後生仔gag，佢哋唔明，我哋就解釋，佢哋都會一齊同我哋夾。」

劇中飾演「四大金光」的ERROR以古惑仔造型示人。

Dee透露原來宣萱有追看《ERROR自爆96小時》更睇到喊。

張慧儀係性感女神。

193自辯犯規：都係比賽一部份

另外，早前張繼聰在明星籃球賽指193的最後一球犯規，193用歪理解釋說：「嗰球我係犯咗規，但犯規都係比賽一部份，球證唔吹即係比賽繼續。」對於阿聰要在其頭頂入樽，193說：「冇可能啦，雖然佢係一個好勤力好自律嘅人，但入樽，佢高度爭少少。」

ERROR日前參加明星籃球賽表現勇猛。

193坦承打茅波。

ERROR用盡24小時拍劇冇時間綵排

對於下月開演唱會，ERROR不清楚何時售票，等公司公佈，問到拍劇太忙會否沒時間綵排，他們搞笑說：「一日24小時我哋用晒嚟拍劇，直情係唔使綵排，直接上台！」

ERROR日前宣傳新節目《ERROR自爆96小時》，海量工作忙到冇時間綵排演唱會。

黑哥宣萱對ERROR讚口不絕

黑哥與宣萱表示合作很開心更每天不想收工。談到看ERROR的節目有喊，宣萱直認不諱，她欣賞他們的勤力和有心想轉變一些事，笑指保錡是她拍劇以來遇過最多說話的對手，拍攝前更壓力不少，因知道ERROR腦袋轉得很快，今次亦是她首次與張慧儀合作。黑哥亦大讚他們勤力，一邊拍戲一邊準備演唱會，笑指保錡的樣貎及動靜很像他細佬。張慧儀首次跟ERROR合作，未拍對手戲已覺得他們可愛，拭目以待他們開工的表現。