ANSONBEAN自爆追女招稱跟賭錢一樣 吳家忻教林千渟溝仔秘技

陳毅燊（ANSONBEAN）、吳家忻（Kayan9896）及林千渟等昨晚到銅鑼灣出席黃Viu首部原創劇《她和她的戀愛小動作》首映禮，劇集將於今晚首播，三人不諱言有點緊張成績。

《她和她的戀愛小動作》將於今晚首播。

三人都有啲緊張。

劇中ANSONBEAN與家忻飾演戀人。

昨晚舉行首映禮。

劇中ANSONBEAN與家忻飾演戀人，兩人亦會獻上螢幕初吻，問到拍攝時會否尷尬？他們均表示不會，家忻更笑説：「一切發生得太快，（會唔會唔畀男友林家熙睇呢幕？）唔會，要畀佢睇我精湛演技。」千渟則指家忻在劇中教她不少溝仔招數，但她就笑言現實中不需要教，因這是自然反應。問家忻如何教千渟溝仔，她笑說：「對住男仔要遲到、擺高姿態，要欲擒先縱，唔可以輕易比對方得到。」問之前是否就是靠這些招數收服男友？家忻即怕醜說：「我收咗山，而家有其他招。」

家忻笑指ANSONBEAN身材值100分。

千渟唔接受窮追猛打嘅男生。

家忻在劇中教千渟不少溝仔招數。

千渟笑言現實中唔需要教佢溝仔。

一講起現實男友家忻即怕醜收口。

ANSONBEAN賣口乖
ANSONBEAN坦言初次見家忻和千渟嚇親，因兩人太靚，更緊張到説不出話，而兩女則大讚對方是暖男之餘，更指他經常口甜舌滑。ANSONBEAN坦言平日會以直接方法識女仔：「我會直接走過去say hello，然後不停跟對方講話。（可有試過被拒絕？）繼續講，其實同賭博一樣，睇彩數。」千渟指未必接受窮追猛打的男生，但就欣賞ANSONBEAN什麼都會直接說出口的性格，至於家忻笑指ANSONBEAN身材值100分，但細心程度就不合格，只得30、40分。

ANSONBEAN初次見家忻和千渟嚇親，因兩人太靚。

ANSONBEAN追女仔好直接。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ