獨家丨岑珈其去完影展雄心壯志：想走遠啲鍾雪瑩荒廢學校拍戲衰多手

2022-10-29 08:00

岑珈其和鍾雪瑩在新戲《猛鬼3寶》中負責一個單元《猛鬼監獄》，兩人均首拍鬼片，因為多特技場面，又跟演員熟絡，所以特別好玩。珈其和阿雪先後有機會在韓國釜山國際電影節及香港金像獎中獲提名，兩人都話好興奮，而且有更大動力及抱負行未來的電影路。採訪：杜杜髮型：Nick Lam@Orient4（珈其）、Hillnex Lee（雪）化妝：CarmenC（珈其）、Vanessa W（雪）

珈其能親身到釜山機會難得，因他正在拍劇，若非防疫政策剛好放鬆，根本未能成行。

阿雪快要到台灣為新戲拍外景，難得有得出埠，就算要工作都開心。

第一次拍鬼片，兩人大讚非常好玩。珈其說：「大家熟真係玩得好開心，其實三個故仔嘅演員全部識，最衰唔可以一齊玩。最難忘第一次拍飛車特技，我爬咗上車頂，好high，超好玩。」扮演可愛女鬼的阿雪亦過足扮鬼癮，「我要化特技妝，仲要飛天吊威吔，真係未試過，幾好玩。」

珈其又要扮鬼，仲要爬在行駛中的車頂，好玩過足癮。

阿雪的女鬼特技妝主力在斷頸位，還有機會吊威吔。

珈其釜山行好夢幻

問到有冇遇過靈異事件，兩人均表示好彩時運高未試過，不過早前阿雪拍電影《深宵閃避球》，在一間日本人荒廢學校取景，大擺烏龍嚇親自己，「工作人員同我講間學校荒廢咗三個月，我咪覺得OK，照攞廁所啲抹手紙周圍抹，又叉吓電咁，點知後尾發現其實係荒廢咗三年，周家怡即叫我快啲去裝香，我全程勁不安，趁未埋位就用日文周圍講咗一輪唔好意思，但好彩冇咩怪事發生。」

珈其和阿雪由於只拍電影其中一個單元，只拍了三、四日戲，未夠喉。

阿雪（藍髮）拍《深宵閃避球》衰多手，搞到自己嚇餐食。

阿雪早前獲香港金像獎提名最佳新演員及最佳女配角，而珈其就憑劇集《IT狗》入圍釜山國際電影節「亞洲內容大獎」的最佳男配角，雖然最終兩人未能獲獎，但坦承會更加堅定行未來的電影路。阿雪表示：「我好鍾意電影，提名後更加確立呢樣嘢係唔會改變。」而親身到釜山出席頒獎禮的珈其，更眼界大開，「第一次去國際性嘅頒獎禮，令我動力大咗，覺得要繼續努力，希望帶自己去更多地方嘅頒獎禮見識，再走遠啲。」談到釜山行珈其仍覺好夢幻，因為可以同曾奪金棕櫚獎的世界級導演及康城影帝見面，「最黐線係我同《魷魚遊戲》嘅朴海秀一齊提名，佢仲要坐我隔離一齊睇提名片段，真係超開心，去after party又可以同宋康昊、姜棟元及導演是枝裕和合照。」