岑珈其𠱁老婆出鏡費盡唇舌 憂一歲半囝囝食得少唔夠營養

2022-08-06 16:00

岑珈其𠱁老婆出鏡費盡唇舌,憂一歲半囝囝食得少唔夠營養。
岑珈其𠱁老婆出鏡費盡唇舌,憂一歲半囝囝食得少唔夠營養。

岑珈其、余思敏、森美及陳宇琛等今日出席「第6屆國際兒童電影節KIFF開幕禮」,珈其在活動上指雖然兒子現只得一歲半,但已開始要擔心囝囝的將來:「養兒100歲長憂99,乜都擔心,但最擔心就係佢健康,因為佢食好少嘢,又要擔心食得唔夠、營養唔夠。」

身為「試當真」成員的珈其,其拍攝的短片《極速珈其》近日播出,珈其太太桂玫更在片尾中亮相,搞到一眾網民隨即指他在放閃,珈其解釋這是應導演要求:「我話唔好啦,佢又唔係演員,但導演話唔得,要你太太做呢條片先至成立。」他指拍攝前遊說了好幾天,太太才答應出鏡:「佢話唔好啦,我又唔係演員,我話『你放心,唔使講對白。』佢應承咗,然後畀個劇本佢睇,跟住佢就鬧我『又話冇對白,我要講嘢嘅!』但成個過程好開心。」

 

岑珈其早前奉旨放閃。
岑珈其早前奉旨放閃。
𠱁咗好耐,靚老婆終於肯出鏡。
𠱁咗好耐,靚老婆終於肯出鏡。
岑珈其話囝囝食好少嘢,好擔心佢健康。
岑珈其話囝囝食好少嘢,好擔心佢健康。
陳宇琛同太太將榮升做父母。
陳宇琛同太太將榮升做父母。

 

珈其指太太事前最擔心的是,因她不是專業演員,自己的演出會影響作品,故他向太太指只要她出現,相信觀眾都會開心,對於被網民指放閃,他說:「係呀,自肥放閃!難得工作可以𠱁得太太開心,我自己都開心。」不過珈其指之後不會刻意再找太太出鏡,因為對方比較怕醜。

另外,為開幕禮擔任司儀的余思敏,被問到暑假會否抽多點時間照顧仔女,她指暑假期間已排滿工作,但亦會適當安排時間,問到會唔會叫老公鄭中基幫忙照顧小孩,她說:「唔使叫嘅,自動自覺,佢一有時間都會陪住佢哋。」

 

余思敏指暑假期間已排滿工作。
余思敏指暑假期間已排滿工作。
同場仲有森美出席活動。
同場仲有森美出席活動。

 

星島新聞集團慶回歸25周年專題網站,請即瀏覽

立即下載 | 全新《星島頭條》APP : https://bit.ly/3yLrgYZ

關鍵字

最新回應

關鍵字

相關新聞

熱門文章

You are currently at: std.stheadline.com
Skip This Ads
close ad
close ad