趙雅芝著短褲仔學踩板 67歲凍齡秘密全靠五樣嘢

趙雅芝仲有三年就70歲，由於個樣太逆齡而嚇親人，之前寫佢喺街頭打籃球，做得人哋阿婆但仲好鬼Cute，去外國落酒吧可能都要查身份証。寫完佢打籃球冇耐，靚婆婆運動癮又起，今次玩踩板，佢話「嘗試新的運動，總會帶來無與倫比的成就感」，其實唔知佢想講乜，是旦啦都係睇相啦。

之前喺街場打籃球。

戴住白色CAP帽的趙雅芝著住粉藍色上衣加同色短褲仔，見佢拎住塊滑板擺晒甫士，向前拎又舉起總之塊板似道具多過似運動用品，好彩最後都見到佢踩上塊板，由於唔係片，所以唔知佢滑成點，期待下次有片睇啦。

最新學踩板。

呢身打扮好減齡。

係咪參加校花?

相信有P圖但唔算重手。

呢個甫士有啲怪。

呢個仲怪。

終於踩上板。

1978年拍《倚天屠龍記》飾演周紫若。

趙雅芝夫婦及三子黃愷傑。

另外，講到凍齡秘密，趙雅芝就話全靠五點，分別係用洗米水洗面、唔好捱夜、每餐食七分飽、行樓梯及保持心境平和，祝大家齊齊逆齡成功。
 

 

立即下載 | 全新《星島頭條》APP : https://bit.ly/3yLrgYZ