67歲趙雅芝出活動零執相冇老態 街頭打籃球又Cute又靚

香港近年出咗好多美魔女，但只要趙雅芝出嚟，統統可以行埋一邊。就咁嘅，趙雅芝雖然已經60有7但喺內地仍然活躍。上周六就以終審評委會成員身份，出席北京電影學院導演系發起的Reel Focus真實影像計劃「新血盛典」活動，好纖瘦嘅佢着上好有中國風嘅裙現身，睇佢上載嘅相好靚呀，咁藝人Po相到社交平台執相是常識，但有影迷隨意影佢， out focus都唔理照放上網，從而發現，趙雅芝唔使執相都鬼死咁靚，同埋睇埋片就呃唔到人，橫睇掂睇，最多似50。

好靚。

使唔使咁靚。

上周出席電影活動。

上台頒獎，完全唔似近70歲嘅老人家。

Fans影嘅，明顯冇執過相同當事人上載嘅基本上一樣。

咪以為得姜濤先鍾意喺街場打籃球，趙雅芝原來都鍾意，見佢着條三個骨褲仔喺街場玩走步上籃，技術當然唔係話好好，但重點係個樣同身材，手腳纖幼又有腰，小腿又白又滑，見佢打波勁多表情同動作，有時做V字手勢，有時就舉起手指公，做得人哋阿婆但都仲咁鬼Cute，外國女人見到應該極葡萄。

着住便服打籃球。

個樣好認真。

幾敏捷。

手腳幾白滑。

咁無話打籃球唔可以化妝嘅。

睇佢幾可愛。

立即下載 | 全新《星島頭條》APP : https://bit.ly/3yLrgYZ