赵雅芝著短裤仔学踩板 67岁冻龄秘密全靠五样嘢

赵雅芝仲有三年就70岁，由于个样太逆龄而吓亲人，之前写佢喺街头打篮球，做得人哋阿婆但仲好鬼Cute，去外国落酒吧可能都要查身份证。写完佢打篮球冇耐，靓婆婆运动瘾又起，今次玩踩板，佢话「尝试新的运动，总会带来无与伦比的成就感」，其实唔知佢想讲乜，是旦啦都系睇相啦。

之前喺街场打篮球。

戴住白色CAP帽的赵雅芝著住粉蓝色上衣加同色短裤仔，见佢拎住块滑板摆晒甫士，向前拎又举起总之块板似道具多过似运动用品，好彩最后都见到佢踩上块板，由于唔系片，所以唔知佢滑成点，期待下次有片睇啦。

最新学踩板。

呢身打扮好减龄。

系咪参加校花?

相信有P图但唔算重手。

呢个甫士有啲怪。

呢个仲怪。

终于踩上板。

1978年拍《倚天屠龙记》饰演周紫若。

赵雅芝夫妇及三子黄恺杰。

另外，讲到冻龄秘密，赵雅芝就话全靠五点，分别系用洗米水洗面、唔好捱夜、每餐食七分饱、行楼梯及保持心境平和，祝大家齐齐逆龄成功。
 

 

立即下载 | 全新《星岛头条》APP : https://bit.ly/3yLrgYZ