周嘉洛到訪緋聞女友香閨斷正陳瀅稱光明正大自爆有新搞作

2022-08-23 18:00

因合作新劇《痞子殿下》而傳緋聞的陳瀅與周嘉洛，雖然一直否認戀情，不過就被今期《東周刊》影到嘉洛出席完活動後，即搭的士到訪陳瀅位於柯士甸道香閨。

陳瀅今日出席時裝活動時，被問到有否被雜誌封面嚇親，她笑言沒有，更為此感到開心：「因為而家套劇播緊又宣傳緊，其實都冇鬼鬼祟祟，係光明正大，因為呢排拍片嗰啲都係我屋企做，所以其實每次嚟，王灝兒（JW）同朱敏瀚都喺度。」

陳瀅稱周嘉洛係光明正大去佢屋企，而且係常客。

一提到同嘉洛拍拖，陳瀅即落閘。

周嘉洛被影到開工之後，即坐的士去陳瀅屋企。（《東周刊》提供圖片）

鬼祟潛入陳瀅香閨。（《東周刊》提供圖片）

陳瀅透露影片過兩日會播放，內容講述四人玩真心話大冒險，不答問題就要罰飲酒，她更指自己為此而飲醉酒：「因為未食嘢就飲，我哋好似飲咗成枝威士忌，（你做乜唔答問題？）好尖銳嗰啲問題，JW問我『你邊段緋聞係真嘅？』，我梗係飲啦！」問到周嘉洛玩遊戲時，是否有問陳瀅有沒有喜歡他，她聽罷後即說：「梗係冇啦，不過仲有一個問題係JW問嘉洛現在有冇女仔追緊佢，（係咪你？）佢話冇！」

陳瀅指報道出街後沒有跟嘉洛溝通，亦不需要解釋什麼，因為他們很多時候都會來自己屋企：「佢哋噚晚又喺度，前晚又喺度，我哋想一齊睇《痞子》，次次都係4個。」至於是否跟嘉洛拍拖，她就否認戀情，又解釋兩人的親密行為只是會在劇集中發生，問到會否擔心嚇怕追求者，陳瀅説：「都唔緊要啦，都走晒，冇乜所謂。」她指現時沒有時間與男性單獨見面或相處，對上一次也是只跟導演一起吃飯，提到不如叫嘉洛追她，她即説：「點解要佢追我？佢有其他女仔啦，佢咁多選擇，我未必係佢杯茶呢。（落晒閘唔俾機會佢？）有啲嘢講清楚啲好啲嘅。」陳瀅又指4人是很好的朋友，日後亦不會為此事而避忌，更表示現正為朱敏瀚尋找女友。