明日戰記丨古天樂瞓身追夢劉嘉玲感動劉青雲以為似天線得得B裝扮拍攝

2022-08-23 12:45

古天樂（古仔）、劉青雲、劉嘉玲、姜皓文及導演吳炫輝等，昨晚（22日）到圓方出席主演的科幻電影《明日戰記》慈善首映禮，一眾藝人如吳君如、陳可辛、張繼聰及謝安琪等到場支持，現場吸引過百市民圍觀，場面熱鬧。

身為電影總監製的古仔在台上分享拍攝感受時指，就算拍科幻片很艱難亦必需要踏出第一步，希望能擴闊電影的界限，又指雖然要花很多時間和金錢，但一定要做一次，並期望觀眾看完後能有興奮的心情，然後可介紹給朋友。而青雲則很少有機會能拍科幻片，今次終於能夠拍一個很科幻的科幻片，更笑言：「啲外星人都唔嚟香港，去咗附近。」至於嘉玲則感性地指在尋夢的路上很孤獨，但要繼續堅持自己的夢想，她又坦言很欣賞古仔：「好感動，佢出錢又出力，嘗試嘅路上好辛苦，可能暫時得唔到大家嘅認同，但唔好忘記最初嘅夢想，一路行落去，只要努力大家就會睇到，希望你繼續堅持同支持，我一路會喺你身邊。」

吳君如和陳可辛一同現身力撐古仔。

四位主角對於電影上映都十分興奮。

劉嘉玲昨晚請來幾十位好朋友到場睇戲。

劉嘉玲期待入戲院看才有實質感受

對於《明》優先場反應甚好，古仔接受訪問時表現得甚為開心，更以「我個仔」來形容電影：「終於見到大家啦，好欣慰，唔會特登諗票房，盡咗力就得。」古仔表示很多朋友已包場觀看電影，至於嘉玲就透露昨晚邀請了幾十個朋友到場睇戲：「好興奮，其實拍完之後古仔都話畀幾條預告我睇，但我都唔睇，因為喺戲院睇先有效果。」青雲就指自己從來沒想過會拍科幻片，並形容這是一個很奇妙的旅程：「拍嘅時候感覺好唔真實，直至見到啲大製作先有實質嘅感受。」至於最難忘的，青雲就指是能見識到從未接觸過的事情，並笑指最初以為拍科幻片就像「天線得得B」一樣穿緊身衣及身上佈滿點，以後期加上CG效果就完成，但拍攝時才發現原來跟平日拍戲沒太大分別，並非全部只對綠色佈景演戲。

劉青雲指拍《明》跟其他電影沒有大分別，並非全在綠幕前拍攝。

ANSONBEAN和COLLAR的Winka合唱電影主題曲。

導演吳炫輝

至於戲中不用穿盔甲兼沒有打鬥場面的嘉玲就指雖然比古仔和青雲舒服，但拍戲依然辛苦，不過就覺得很好玩，而她亦希望以後能有不同的嘗試。是否也想着戲中盔甲拍戲？劉嘉玲說：「都想㗎！唔怕辛苦，操fit啲囉，其實拍戲已經可以去到不可想像嘅空間，好似Marvel系列電影我都想試，Why not？好多後期製作都可以去修補嘅。」古仔聞言後即笑指會特製裝甲給嘉玲。

另外，對於有指《明日》在內地上映時被偷票房一事，古仔稱已在處理中，而他又透露電影在內地上映期會延長至10月4日，即在中秋及國慶期間亦繼續上映，問他可有信心內地票房過10億？他說：「我盡咗最大努力，日日喺度宣傳。」