痞子殿下丨陳瀅周嘉洛唔識打麻雀狂NG 群姐做過氣名妓相當吸睛

2022-08-06 22:00

TVB劇集《痞子殿下》前晚（4日）播出第四集，講到壯龍（張頴康飾）被綁架，阿四（周嘉洛飾）、蠻儀（陳瀅飾）等人大鬧「賭坊」大薩三坊拯救他。當中一場阿四、蠻儀、糕佬（秦啟維飾）及神婆（吳沚默飾）「竹戰」場口，蠻儀先是手風超順瘋狂食胡、後來被阿四出招「狂誅」，蠻儀最後嬲到反枱。

陳瀅話啲牌用木造好輕，好難做到好型咁甩牌。

周嘉洛呢個姿勢滿分。

監製陳耀全（Andy）透露原來四位演員都不太會打麻將，連基本摸牌、疊牌、數番等都不太會，只有陳瀅比較有概念，所以足足花了大半晚時間拍攝，拍到嗌晒救命。幸好劇中飾演菜婆的綠葉演員蘇麗明是麻雀專家，多得她幫忙「砌番」才能順利完成，陳瀅受訪時笑謂：「啲麻雀因為用木造同埋好細隻，所以好難好型咁甩牌同疊牌，成日整到啲牌散晒搞到NG！」周嘉洛則笑指拍攝麻雀戲難度等同拍手術戲。

此外，本集中五名「碧璧青樓」的過氣名妓亦相當吸睛，當中有三名更是由《愛．回家》「穿越」來的，包括「Helen姐」姚瑩瑩、「譚何容儀」吳香倫及「群姐」許思敏，五人大晒風騷一面及舞技，相當震撼！