獨家丨吳嘉禧寄語新女團去到盡疫情下新歌等足一年推出

2022-08-03 08:00

前女子跳舞組合Super Girls成員吳嘉禧(Cheronna)去年加盟Sunny Idea，推出頭炮新歌《逐步拾回自己》，疫情下足足等咗一年，才推出第二首新歌《而這麼多年以後》，新歌MV更搵埋女團STRAYZ成員林暐翹(WK)和何榛綦(Nat)一齊玩。女團出身嘅Cheronna寄語「師妹」們，不妨大膽做自己嘅嘢。採訪：方騫平攝影：沈健程化妝：Kinnylee@Kinny921 髮型：Calvin Tsoi@Hair 服裝：PORTSPURE 場地：STREAMS GALLERY

以前喺音樂及創作上受到限制，Cheronna𠵱家會去到盡。

吳嘉禧新歌講離愁別緒，除咗有朋友及契妹移民外，連續兩年嘅歌曲宣傳期都撞正「哭貓喪」，她傷心道：「因為去年愛貓走得好突然有啲接受唔嚟，今次另一隻老貓身患重病時，我就陪伴在側，臨別前仲哼新歌畀佢聽，𠵱家我仲有隻老貓13歲，我真係好驚呀！亦明白到要學會珍惜。」

疫情下Cheronna等足一年先推出新歌。

拍拖時曾暴肥嘅Cheronna成功Keep fit。

開心愈嚟愈多女團

MV中除咗與虛擬NFT合作，仲有女團STRAYZ兩位成員，Cheronna眼見從《全民造星IV》中誕生咗第3隊女團有感而發，「以前我哋做女團冇人想睇，好開心本土愈嚟愈多女團誕生，有咁多香港人欣賞，所以佢哋好幸福，而我哋遺憾就是美。冇辦法啦！」她以過來人身份分享經驗，「想做就去做，以前我冇創作過自己想做嘅嘢，只係做人哋對我期望嘅事，無奈我個年代已沒落，而且又散團，唯有𠵱家單飛盡能力做返，呢個就係命運喇。」