緣路山旮旯丨岑珈其等「5膠」關心老友 Edan正面回覆讓人放心

2022-08-02 13:30

岑珈其主演電影昨晚舉行首映,其他「4膠」到場支持。
岑珈其主演電影昨晚舉行首映,其他「4膠」到場支持。

岑珈其昨晚(8月1日)出席有份主演的新戲《緣路山旮旯》首映禮,除了呂爵安(Edan)外,ViuTV節目《膠戰》的「4膠」魏浚笙(Jeffrey)、劉沛蘅(Hillary)黃正宜(阿正)及徐浩昌(肥腸)亦有到場支持岑珈其。

對於《膠戰SSP》原在本周六(6日)播出,卻因MIRROR演唱會意外而延期播映,岑珈其及Jeffrey均表示不知道會延至何時,但亦明白公司決定,effrey亦指目前最重要的是希望受傷舞蹈員盡快康復,現在也會集氣為他們祈禱,阿正同樣表示沒有因延期感到失望。有否聯絡Edan問候?岑珈其指「6膠」有一個通訊群組,出事後有傳訊息給對方,而Edan亦有以:「OK,我冇事。」回覆,岑珈其坦言應該給予空間讓他們慢慢調理心情。肥腸謂大家也有共識不打擾Edan:「我哋都有講過話如果佢需要一個出口,可以搵我哋傾偈,我覺得俾個空間佢等佢消化,好過我哋一人一句。」
 

岑珈其(中)跟一眾女主角一同合照。
岑珈其(中)跟一眾女主角一同合照。

 

肥腸(左起)、Jeffrey及Hillary到場支持岑珈其。
肥腸(左起)、Jeffrey及Hillary到場支持岑珈其。

 

阿正和岑珈其當然力撐好友Edan。
阿正和岑珈其當然力撐好友Edan。

 

對於有網民批評Edan和Anson Lo(盧瀚霆)在意外時竟繼續唱歌,岑珈其指他們做什麼都可能惹來批評,而阿正則認為即使是現場觀眾也會來不及反應,更何況是兩人:「一個台上表演者,佢哋戴住耳機,真係未必知背後發生咩意外,當下意識梗係繼續演出。」而同樣有舞台經驗的岑珈其則表示:「我哋都有戴過耳機,絕對明白件事有幾複雜、幾專業,所以我哋絕對諒解。做乜都絕對有人講,所以我哋覺得唔需要擺喺心度。」是否覺得兩人好無辜?兩人即表示:「係!」,阿正還說:「係啲咁唔好嘅氛圍下,一啲咁惡意嘅批評,盡量可免則免, 無謂為鬧而鬧。好似Lokman(楊樂文)都出咗個post話佢哋會互相照顧,我哋作為朋友都係適量嘅關心,同埋留番啲空間俾佢,我諗佢ready就會搵我哋。」

 

當然有問候Edan,不過亦給予空間,不會多作騷擾。
當然有問候Edan,不過亦給予空間,不會多作騷擾。

 

Edan和Anson Lo(右)慘受批評。
Edan和Anson Lo(右)慘受批評。

 

「6膠」私下感情要好。
「6膠」私下感情要好。

 

星島新聞集團慶回歸25周年專題網站,請即瀏覽

立即下載 | 全新《星島頭條》APP : https://bit.ly/3yLrgYZ

關鍵字

最新回應

關鍵字

相關新聞

熱門文章

You are currently at: std.stheadline.com
Skip This Ads
close ad
close ad