独家丨吴嘉禧寄语新女团去到尽疫情下新歌等足一年推出

2022-08-03 08:00

前女子跳舞组合Super Girls成员吴嘉禧(Cheronna)去年加盟Sunny Idea，推出头炮新歌《逐步拾回自己》，疫情下足足等咗一年，才推出第二首新歌《而这么多年以后》，新歌MV更搵埋女团STRAYZ成员林暐翘(WK)和何榛綦(Nat)一齐玩。女团出身嘅Cheronna寄语「师妹」们，不妨大胆做自己嘅嘢。采访：方骞平摄影：沈健程化妆：Kinnylee@Kinny921 发型：Calvin Tsoi@Hair 服装：PORTSPURE 场地：STREAMS GALLERY

以前喺音乐及创作上受到限制，Cheronna𠵱家会去到尽。

吴嘉禧新歌讲离愁别绪，除咗有朋友及契妹移民外，连续两年嘅歌曲宣传期都撞正「哭猫丧」，她伤心道：「因为去年爱猫走得好突然有啲接受唔嚟，今次另一只老猫身患重病时，我就陪伴在侧，临别前仲哼新歌畀佢听，𠵱家我仲有只老猫13岁，我真系好惊呀！亦明白到要学会珍惜。」

疫情下Cheronna等足一年先推出新歌。

拍拖时曾暴肥嘅Cheronna成功Keep fit。

开心愈嚟愈多女团

MV中除咗与虚拟NFT合作，仲有女团STRAYZ两位成员，Cheronna眼见从《全民造星IV》中诞生咗第3队女团有感而发，「以前我哋做女团冇人想睇，好开心本土愈嚟愈多女团诞生，有咁多香港人欣赏，所以佢哋好幸福，而我哋遗憾就是美。冇办法啦！」她以过来人身份分享经验，「想做就去做，以前我冇创作过自己想做嘅嘢，只系做人哋对我期望嘅事，无奈我个年代已没落，而且又散团，唯有𠵱家单飞尽能力做返，呢个就系命运喇。」