容祖兒阿Sa三亞度假兼叉電 罕晒泳照獲網民激讚

容祖兒（Joey）、蔡卓妍（阿Sa）及鍾欣潼（阿嬌）近年在内地人氣急升，頻頻現身各大綜藝節目，工作不斷。早前三位好姊妹難得放假，便孖住齊齊到三亞度假兼叉電，不過假期話咁快就已經結束了。

Joey日前在社交網罕晒水著照，她留言寫道：「給自己的假期結束，記錄一下今年盡興過的時刻！」相中見Joey穿上「一件頭」泳衣，雖然未有大騷身材，不過網民都將焦點放在她的素顏上，大讚她：「皮膚白滑」、「零毛孔」，而其中一張Joey更在泳池表演揈水髮，網民笑言好有動感，似足拍洗頭水廣告！

 

祖兒穿一件頭泳衣，騷Fit 爆身材。

祖兒孖住好姊妹到三亞度假兼叉電，但假期話咁快已經結束咗。

祖兒喺泳池表演揈水髮，網民話似足拍洗頭水廣告。

素顏都「零毛孔」。

祖兒話要記錄一下今年盡興過嘅時刻！

 

 

至於，阿Sa亦於社交網派福利貼出泳照，見她著上長袖泳裝坐在船上擺出多個甫士，又大騷纖腰，少女味十足，剛剛放完假的她，笑言已經開始冇電:「充咗幾日電，做咗兩日嘢，又冇乜電lu…  #開動慳電模式ing #舊電係咪壞咗」不少網民留言大讚不愧為「正菜妍」、「似18歲」，又指她電力咁勁，當然好快就冇電。
 

阿Sa單眼放電。

露弗爆纖腰。

阿Sa話做咗兩日嘢，又開始冇乜電lu。

 

星島新聞集團慶回歸25周年專題網站，請即瀏覽

立即下載 | 全新《星島頭條》APP : https://bit.ly/3yLrgYZ