容祖兒金光閃閃下慶祝42歲生日 阿Sa搶吹蛋糕蠟燭報仇成功

2022-06-16 15:00
今天是容祖兒的42歲生日,她跟好姊妹在內地慶祝。
今天是容祖兒的42歲生日,她跟好姊妹在內地慶祝。

今日是容祖兒(Joey )的42歲生日,正身在內地工作的她仍不愁寂寞,獲好姊妹蔡卓妍(阿Sa)、鍾欣潼(阿嬌)及經理人霍汶希(Mani)送上驚喜生日派對。三人在零時準時在社交網貼文為Joey慶生;又上載開party慶祝的照片,現場所見有大量金色氣球佈置,兩個蛋糕及一束鮮花,Joey以一身白色打扮示人,大晒纖腰,而三位更向壽星女肉緊獻吻,場面溫馨。

 

生日會佈置以金色為主,好靚呀。
生日會佈置以金色為主,好靚呀。

 

Joey感激三位好姊妹,原來Mani更是專程飛往內地為她慶祝:「有一位特登飛過嚟,有兩位攰到剩返個軀殼都盛裝打扮過嚟 ,這個生日能給我親眼見到摸到真感恩,哪怕俾佢吹晒我啲蠟燭又有咩所謂啊。」Joey 表示昨晚(15日)沒有大肆慶祝,只是去了按摩獎勵自己,她續指:「開心,當然,但更多是內心的平靜和溫暖,因為我收到好多好朋友的祝福,有些連群結隊在12點前給我視像,望到一個個熟悉的面孔,眼淺的我又好無出息咁眼濕濕,大家各自生活,各有自己我煩心的事,能夠記得,並且拿起手機給我送上一句生日快樂,然後再順理成章閒聊幾句,這些都是令我心滿意足的事,人生短短幾十年你所做過的事情無論有幾多,我認為最值得珍貴嘅是人與人之間的感情。多謝我媽媽,生日快樂容祖兒。」
 

慶祝生日又點少得阿嬌(左)同阿Sa(右)。
慶祝生日又點少得阿嬌(左)同阿Sa(右)。

 

經理人Mani (左)專程北上為祖兒慶祝。
經理人Mani (左)專程北上為祖兒慶祝。

 

蔡卓妍報仇搶吹生日蠟燭

阿Sa留言搞笑指自己成功「報仇」吹走蠟燭,她謂:「Happy birthday ! 好開心今年終於吹咗你支蠟燭,歡迎你下次吹返我嗰支 #願望一齊許 #我嘅即係你嘅你嘅即係我嘅 」而阿嬌則大讚Joey是溫暖的小太陽:「祖兒生日快樂,你就像是一個小太陽,和你在一起的時候周圍總是充滿陽光溫暖和歡笑,好幸運有你在身邊也好開心每年的生日都能陪你一起過 ,我們愛你。」

另外,多年好友黃偉文大派福利貼出當年Joey演唱會試造型的絕密照片,他坦言大家已經有一年沒有見:「作為你『(multifunctional)背後的男人』,今日我決定曝光你兩張絕密照片。都係上次演唱會我哋搵咗返嚟而冇著到,但其實幾靚嘅衫,來『福利』一下大家。已經一年冇見面,破晒我哋相識以嚟嘅紀錄,如果仲未見到,我怕我會放多幾張出嚟,畢竟我手上有大量你嘅絕密材料哈哈哈。今年生日,願你和家人身體健康,快樂與良善不變如初。」 

 

梗係唔少得送上香吻。
梗係唔少得送上香吻。

 

阿Sa爸爸都有出席生日party。
阿Sa爸爸都有出席生日party。

 

Wyman晒出跟Joey試衫的舊相,兩人已有年多冇見。
Wyman晒出跟Joey試衫的舊相,兩人已有年多冇見。

 

星島新聞集團慶回歸25周年專題網站,請即瀏覽
 

立即下載 | 全新《星島頭條》APP :  https://bit.ly/3yLrgYZ 

關鍵字

最新回應

關鍵字

相關新聞

熱門文章