余思霆戀情去年已現感情危機？ 朱敏瀚黑面陪食飯領獎漏多謝女友

2017年華姐冠軍余思霆與朱敏瀚今日（27日）宣佈分手，3年情玩完。余思霆前年被TVB委派返娘家台灣拍旅遊節目，朱敏瀚都曾表示成年冇見女友好掛心。不過余思霆去年底低調快閃返港兩周，被本報拍到與男友朱敏瀚一同外出食飯，卻完全不像久未見面的情侶，朱敏瀚甚至成餐飯都黑面，又作狀想掉女友的手機，離開食店亦蹺埋雙手，完全不想拖女友，路上亦不多交談，似乎早於去年底已現感情危機。

 

余思霆前年被TVB派返台灣拍節目，朱敏瀚仲喊晒口話唔捨得女友。

 

不過成年唔見，去年底余思霆快閃香港兩周，朱敏瀚對女友的態度已經唔同晒。

 

食食吓飯睇余思霆部手機。

 

之後朱敏瀚塊面就黑到咁…… ​

 

作狀想掉返部手機畀余思霆，等女方接手機都唔耐煩呀。

 

一齊企埋已經冇乜偈傾，手都唔想拖。

 

朱敏瀚是近年TVB力捧小生，入行11年終於在年初的《萬千星輝頒獎典禮2021》奪得「最佳男配角」。不過在台上卻忘記多謝女友余思霆，事後在後台被問起才補鑊多謝返女友。但仍在事業上升期的他，表明未有結婚打算，未知二人是否在未來發展上出現分歧。

 

年初朱敏瀚於《萬千星輝頒獎典禮2021》奪得「最佳男配角」，冇在台上多謝女友。

 

朱敏瀚與余思霆拍拖3年，但男方處於事業上升期，講明未想結婚。

 

星島新聞集團慶回歸25周年專題網站，請即瀏覽

立即下載 | 全新《星島頭條》APP : https://bit.ly/3yLrgYZ