Jer唔恨做新歌MV男主角演戲經驗多輕鬆投入拍攝

2022-07-12 13:30

繼早前的《離別的規矩》後，MIRROR「唱歌擔當」柳應廷（Jer）近日推出今年第二首個人單曲《自毀的程序》，MV在昨晚（11日）推出，當中遊走現實與虛幻之間，更帶樂迷遊走一轉關西，不過Jer今次反而恨做配角，唔想做男主角！

今次《自》歌是《離》的延續，不過時間線卻並非順序發展，Jer介紹時表示：「《自》可能係好多年後發生喺男主角身上事情，但記憶深藏喺佢身體裡面。」這些埋藏在男主角內心深處的記憶，在MV中就以《離》出現過的人、物，包括龍蝦、滅火筒、錄音帶，以及女主角再度登場展現出來。基於這個設定，MV中男主角遊走於現實與虛幻之間，但Jer這趟卻恨做百厭配角：「今次MV幾好玩，因為好多得意元素，好似跳咗入仙境，遇見三個精靈，然後又會有藝伎出現，穿梭於京都同奈良之間。我幾鍾意古靈精怪嘅得意故事，所以我好Enjoy拍MV，但好可惜做唔到佢哋，我好恨可以做啲精靈跳嚟跳去，咁就可以超級多人注意，但而家成日都keep住唔開心情緒，以及發現奇怪事情時嘅好奇心。」近期Jer多了演戲的經驗，到了這次演出MV時只要保持同一個狀況就可以過關，所以他坦言這次角色演繹上沒有特別感到困難。

不過Jer竟話恨做MV的配角。

點解唔想做男主角？

因為配角仲好玩。

但現實中拍MV當日正值颱風襲港前夕，偏偏MV主要在戶外拍攝，製作組只好即時作出調動。另外，有一場景Jer要在隧道內拍攝雪景，效果很靚，但靚的背後Jer要閉氣，因避免假雪會吹入眼和鼻孔，而Jer又很喜愛三個小精靈的造型，還有日本藝伎，覺得這些角色很有趣，為MV生色不少。

繼《離》出現洞蕭、笛等亞洲樂器後，今次《自》也出現了另一種亞洲樂器，Jer希望大家細心聆聽歌曲：「一彈個樂器，就會Feel到首歌嘅vibe（氛圍）。」此外，Jer也請大家留意第三段副歌，因為當中有鮮為人知的細節，但他透露道：「Chrous 3蘊含好多圖片，同時亦有嚟緊第3首歌嘅線索喺入面，如果想估吓第3首歌係咩畫面，就可以留意Chorus 3。」