彭秀慧Roll機前為姜濤試踩單車 Jer晒《阿媽》電影海報

由彭秀慧執導，毛舜筠、姜濤、柳應廷（阿Jer）主演的電影《阿媽有咗第二個》，電影未正式在香港上映已揚威海，除早前入圍第十七屆大阪亞洲電影節競賽項目，奪得芝加哥亞洲躍動電影節「觀眾票選獎」，同時亦入選第24屆台北電影節「亞洲稜鏡」單元，而電影則於8月在香港上映。

 

《阿媽有咗第二個》8月香港有得睇嘞！

 

電影未上映已經揚威國際。

 

早前電影公司發放首條預告片，片中見姜濤飾茶餐廳外賣仔「方晴」，至於阿Jer則飾毛姐囝囝「子軒」，二人對手戲擦出不少火花。導演彭秀慧在社交網分享幕後花絮短片，並大讚姜濤本身不懂踩單車，但為了角色最終學懂了踩單車，她上載自己踩車的片段，並寫道：「風和日麗，嗰日製片搵到架拍攝用單車，導演第一時間試下好唔好踩……尤其是個演員好似話本來唔識踩單車，係有啲擔心。 #咁送外賣都可以行嘅 #做步兵無話唔得 #但係演員最後學識咗係叻嘅」。

 

姜濤於戲中有場踩單車戲，但本身佢唔多識踩單車，令導演彭秀慧有啲擔心。

 

彭秀慧為姜濤試踩單車。

 

至於阿Jer昨日（8日）亦於其社交網貼出電影海報，並寫道:「期待八月」 不少柳柳粉（Fans暱稱）即留言大撐：「一定要睇好多次」、「期待學生look 的子軒」而隊友Stanley （邱士縉）亦有留言大讚：「電影咖」。

 

Jer於IG分享電影海報。

 

MIRROR隊友Stanley都力撐。

 

更多最新疫情資訊，請到以下專頁瀏覽 按此  

立即下載 | 全新《星島頭條》APP : https://bit.ly/3yLrgYZ