肥媽中招3日狂咳講嘢喘晒氣 慶幸打4針病情先唔算嚴重

肥媽Maria Cordero上周拍片透露不幸感染新冠肺炎，做快測確診後立即在家中自我隔離，當時她指因頭痛不適故即做檢測，結果不幸中招。周日（26日）肥媽又再拍片透露病情，片中見肥媽穿上白Tee、樣子憔悴，自拍談及身體狀況：「今日係中咗嘅第三日，好好多，第1日發高燒，好辛苦，第2日退燒，但不停飆汗、頭好痛好漲，咳得得好勁，今日第3日冇乜咳，但唞氣喘，頭後面有啲痛；前面就漲，日日飲10幾支水，因為係咁飆汗，一日換4次衫。」雖然肥媽指當日病情已明顯好轉，但鏡頭前見肥媽依然不時狂咳，說話時更「上氣唔接下氣」，跟平時唱歌中氣十足可謂判若兩人。

 

片段甫開始，肥媽依然狀甚辛苦。

 

指有不少中、西藥及保健食品，又多謝外界及朋友關心。

 

但說話期間依然不時狂咳。

 

但肥媽指情況已比前一兩日大為好轉。

 

接着肥媽拍向枱面，指自己有很多中、西藥及保健食品如靈芝等，又感謝身邊好友及外界的關心，她謂：「我中呢隻菌係好勁好勁，feel到係好犀利，我咁嘅年紀第3日咁樣已經係奇蹟，所以中咗嘅人有打針嘅唔使擔心，冇打針真係快啲去打，相信聽日會好好多。」肥媽不停重申幸好自己已打針，只是辛苦頭兩日，第3日身體已有明顯好轉，有信心過多兩天便無事。

 

肥媽指幸好自己有打針，因此病情才不算十分嚴重。

 

有信心過兩日會無事。

 

肥媽早前已打齊4針。

 

希望肥媽早日康復。

 

星島新聞集團慶回歸25周年專題網站，請即瀏覽   

立即下載 | 全新《星島頭條》APP : https://bit.ly/3yLrgY