獨家丨林利收入有限唔敢亂揮霍 避免與太太嘈交半年離家出走6次

2022-06-28 17:45
林利收入有限唔敢亂揮霍,慨嘆太太未體諒。
林利收入有限唔敢亂揮霍,慨嘆太太未體諒。

55歲林利跟台灣太太陳貞均(Erin)年紀相差14歲,結婚近3年屢傳婚變。前日(26日)林利被太太拍片公審,指他「騙吃騙住」,從沒收過鑽戒及舉行婚禮。林利事後對台灣傳媒反指Erin一星期最少有3天飲醉酒,又暗示二人已沒性生活,透露兩夫妻冷戰中決定暫時分居。

 

林利已搬離愛巢,獨自到酒店暫住。(圖片由受訪者提供)
林利已搬離愛巢,獨自到酒店暫住。(圖片由受訪者提供)

 

《頭條娛樂》今日聯絡身在台灣的林利,透露自己已搬離台北內湖區的愛巢,租酒店暫住。問到會住幾耐,有沒有計劃返香港?林利說:「幾日啦,唔想對住嘈交,我8月都會返香港,但唔係因為今次事件,而係有啲工作。」林利今趟在台灣居住的7個月期間,原來已非第一次「離家出走」,他說:「5、6次啦!我年紀唔想同你玩、同你嘈、辯駁,我需要靜吓。搬走幾日,始終屋企人。(Erin話會輕易離婚?)我現在好平靜,離唔離對我呢個年紀無所謂,鍾意走就走,鍾意一齊就一齊,我好包容佢成家。」

 

林利自爆今趟去台灣7個月,已離家出走5、6次。
林利自爆今趟去台灣7個月,已離家出走5、6次。

 

享受寧靜生活,識晒V字影相,婚變似乎未有影響林利心情。
享受寧靜生活,識晒V字影相,婚變似乎未有影響林利心情。

 

一個人入住酒店,行李唔太多。
一個人入住酒店,行李唔太多。

 

還原被拍片經過

林利直指Erin情緒起伏好大,平時好好地,但每次飲酒都會變另一個人,「我自己手機都唔捨得買,上星期就送咗部新手機畀佢,當時佢仲好開心話『多謝老公』,好癲覆,兩個人咁,好恐怖呀其實!」他更還原被拍片放上網經過,他說:「嗰日食飯,佢飲貓咗,突然拎部機出嚟影我,跟住就無厘頭話要鑽石、婚禮,話我呃飲呃住,我都唔知點解,但其實都唔係第一次(拍片),飲完酒就係咁。佢係讀新聞系,唔開心,就話要搞到我聽日上頭條,好識挖啲嘢出嚟,無事生非,唔知對佢有咩好處。」

 

林利指太太唔飲酒時好好。
林利指太太唔飲酒時好好。

 

還原被拍片經過,原來已經唔係第一次。
還原被拍片經過,原來已經唔係第一次。

 

而Erin的媽媽患有精神病,上周用刀指嚇林利,現已被送入精神病院。林利表示一直與Erin媽媽同住,亦會照顧對方,但承認自己亦承受好大精神壓力,他說:「一個癲一個喪,佢(Erin)唔飲酒時真係好正常,所以我都包容,可能佢由細到大喺單身家庭長大,有啲影響,佢都好叻一直照顧媽媽,起碼佢唔係是壞人。」冷靜過後會否𠱁番老婆?她說:「佢好硬頸,唔受𠱁,個性係咁,好難同佢溝通到。」

 

二人年齡差距14年,結婚近3年屢傳婚變。
二人年齡差距14年,結婚近3年屢傳婚變。

 

林利去年底喪母,心情已經唔太好。
林利去年底喪母,心情已經唔太好。

 

林利指太太唔飲酒時好好。
林利指太太唔飲酒時好好。

 

有過好多甜蜜回憶。
有過好多甜蜜回憶。

 

見得多反而磨擦仲多。
見得多反而磨擦仲多。

 

平日知慳識儉 

疫情期間,夫妻合力經營的網店生意麻麻,收入有限,林利直言不敢亂揮霍:「我生活好平淡,唔多應酬,幾乎係零,只係每日飲兩杯白酒,9、10點就瞓覺。而家經濟差生意唔係咁好,雖然我都有啲錢,但搣吓搣吓都好快用完,仲要係3個(人),咁嘅情況仲要呢樣要嗰樣。」談到夫妻間欠缺性生活,他思量一會感嘆謂:「男女之間,只係想搵個伴,唔啱就拜拜,一人生活都幾好。日日講句『我愛你我愛你』好容易,但懂一個人最難,有愛先會有性。」

 

林利同胡渭康都做過小虎隊成員。
林利同胡渭康都做過小虎隊成員。

 

多年前曾返港拍劇。
多年前曾返港拍劇。

 

星島新聞集團慶回歸25周年專題網站,請即瀏覽   

立即下載 | 全新《星島頭條》APP : https://bit.ly/3yLrgYZ

關鍵字

最新回應

關鍵字

相關新聞

熱門文章