珍寶海鮮舫沉沒｜網民翻出姊妹船廿年前出海舊照 「偵探」上身猜成因

陪伴港人近半世紀的珍寶海鮮舫上周二（14日）離港，至周六（18日）下午行駛至南海西沙群島附近水域時，遇上風浪船身傾側。香港仔飲食集團指，負責相關航程的拖船公司經過嘗試救援後不果，而由於事發地點水深逾千米，擬進行打撈工程亦非常困難，海鮮舫最終沉沒大海。

正當不少人慨嘆一個時代的終結時，亦有不少人「名偵探柯南」上身，推測海鮮舫的「死法」有太多疑點，更認為是早有劇本的「謀殺案」。有網民翻出1999年珍寶海鮮舫姊妹船，同屬珍寶王國「海角皇宮」的出海照片，當中顯示該船是利用半潛船，被運送到菲律賓馬尼拉港；至2011年10月，信德集團有限公司將該船轉贈青島市政府，由菲律賓歷時8日運抵青島歷兩次長途海上轉運，「海角皇宮」仍然安然無恙，更可繼續營業。

1999年「海角皇宮」被移送菲律賓時，是利用半潛船運送。FB圖片

網民指出，當年運船技術已非常先進，集團不可能不知更安全的方法，質疑強行將海鮮舫拖出公海，只是為「掉垃圾」，「睇個船底設計，根本唔可以大海航行，只係適合泊喺平靜岸邊，佢哋（集團）點會唔知」、「明明係掉垃圾出公海，仲要扮沉船」、「唔怪得唔透露安置地點啦」、「遲啲要（垃圾）徵費，梗係而家安排啦」。

更有網民形容「你幫個90歲阿伯轉院，唔用白車叫佢自己行過去，暴斃是常識吧」、「珍寶被慢慢拖走嘅畫面仲喺腦海，有點傷感，好想知其佢喺邊度落腳，如今回想，就好似一個垂垂老矣嘅動物，被人𠱁帶去一個新屋企，事實原來係被帶去安樂死」、「出咗公海，殺人都冇事（出自某電影）」。

不過，協助將「珍寶海鮮舫」由香港仔避風塘拖離香港的拖船公司負責人溫子傑向本網指出，半潛船有如將貨品放入貨櫃中再拖運，會較為安全，不過相關的費用「會貴好多」。他不清楚為何今次船公司未有使用半潛船，惟強調使用拖船作跨境拖運亦是常用的方法。

星島新聞集團慶回歸25周年專題網站，請即瀏覽：https://bit.ly/39AQC3m
立即下載｜全新《星島頭條》APP：https://bit.ly/3yLrgYZ