陳卓賢無懼MIRROR愛情魔咒 派定心丸與女友Amy感情穩定

2022-05-24 16:30

陳卓賢無懼MIRROR愛情魔咒,派定心丸與女友Amy感情穩定 。
陳卓賢無懼MIRROR愛情魔咒,派定心丸與女友Amy感情穩定 。

陳卓賢(Ian) 今日單拖到金鐘出席代言活動,對於MIRROR和ERROR像被魔咒籠罩一樣,多位成員先後與女友分手,Ian稱與女友Amy Lo(盧慧敏)感情穩定,沒有擔心,他說:「我哋還好,多謝大家關心,呢啲唔算係魔咒,重要係睇緣份,兩個人之間有好多因素存在同影響,我唔太擔心。」

Ian透露有關心剛宣佈分手的隊友Frankie (陳瑞輝),但不會刻意安慰對方,直言會當眾人「樹窿」,有需要時便會借耳仔聽別人心事。Ian爆Anson Kong (江𤒹生)最喜歡找他吐心聲,問是否很多煩惱?Ian說:「唔係,但佢好得意,似小朋友一樣,每件事都講點樣好、點做好!但佢處事唔係唔成熟,純粹係搵朋友分享一下。」

6月9日是Ian的29歲生日,粉絲提早為他搞生日應援,日前到沙灘執垃圾做義工,Ian覺得好有義意,直言自己都好想去,但又怕會出現混亂場面。問到怎樣慶祝生日?他說:「由細到大生日我都唔會同朋友去慶祝,生日唔係慶祝我出生,而係答謝媽媽生我嘅辛苦,所以我會錫一下媽媽,當日都會留給佢。」

 

Ian話都有關心剛宣佈分手嘅隊友Frankie。
Ian話都有關心剛宣佈分手嘅隊友Frankie。
Ian話唔驚MIRROR愛情魔咒,透露同Amy感情穩定。
Ian話唔驚MIRROR愛情魔咒,透露同Amy感情穩定。

 

唔覺公司偏心姜濤AL

而Ian早前推出新歌《GOT U》至今也極少宣傳,反而粉絲替他做的宣傳功夫更多。問可覺得公司將資源全數投放在姜濤、Anson Lo(盧瀚霆)及Edan(呂爵安)身上?Ian說:「我明白每個粉絲都會緊張自己嘅偶像,但MIRROR 係團隊,每個人都有自己專注嘅事去做,公司有唔同分配,大家着緊我係明白, (唔覺得公司偏心?)唔覺得,專心做好自己要做嘅事已經足夠。」

對於TVB與港台首次合辦的樂壇頒獎禮,MIRROR 未能入圍最佳進步獎,引起粉絲的質疑。Ian 稱沒有留意,他說:「可能太睇得起我哋,覺得之前我哋進步多咗,現在進步空間少咗,我哋心目中就算有冇進步獎,都會不停逼自己進步,外在嘅獎項唔會影響到我哋用心做事。」

 

Ian下月9日就29歲生日。
Ian下月9日就29歲生日。
Ian覺得公司冇偏心,大家都係做好自己工作。
Ian覺得公司冇偏心,大家都係做好自己工作。
大批Hellosss撐場。
大批Hellosss撐場。
楊洛婷擔任司儀。
楊洛婷擔任司儀。

 

 

 

更多最新疫情資訊,請到以下專頁瀏覽 按此

立即下載 | 全新《星島頭條》APP : https://bit.ly/3yLrgYZ

關鍵字

最新回應

關鍵字

相關新聞

熱門文章

You are currently at: std.stheadline.com
Skip This Ads
close ad
close ad