林盛斌做人生導師教同行面對負評 身為藝人被鬧都係任務之一

2022-05-11 18:00
林盛斌袋錢入同行袋。
林盛斌袋錢入同行袋。

不少圈中人都明白做得藝人,被批評、被討論是必經的過程,正所謂「人紅是非多」,有時冇人討論對藝人來說未必是一件好事。不過面對批評,身為藝人多多少少都會有唔開心,一向性格樂觀的林盛斌(Bob)昨日(10日)於IG分享與一位幕前朋友的對話,袋錢入對方袋。

 

林盛斌分享與一位圈中友人的對話。
林盛斌分享與一位圈中友人的對話。


原來呢位圈中友人不時都被網民到他的社交網留言抨擊,Bob分享說:「有啲人會寫一啲唔係咁好嘅負面嘢,佢話有時睇到都會好唔開心。」Bob就認真對他說:「我哋做娛樂圈嘅,目的就係要娛樂大家,佢喺你個社交平台留言,插吓你,鬧吓你,然後佢身心舒泰咗喎,自我感覺良好咗喎,咁我哋都算完成咗我哋喺呢行要做嘅任務吖!」同埋Bob深明「Haters gonna hate」的道理,認為盡力做好自己已經足夠,更向對方加油。呢位朋友仔聽完開心返,Bob都覺得自己好似人生導師咁,開解到朋友。

 

林盛斌做人生導師教同行面對批評。
林盛斌做人生導師教同行面對批評。


好友陳山聰亦有留言表示:「你係人生導師就梗㗎啦,冇錯絕對認同以上嘅對話,加油兄弟,期待你會開班,令更加多嘅人思想同心靈上獲得正能量。」Bob即謙虛回覆:「未有資格,小弟仍在努力中。」

 

陳山聰都叫林盛斌開班。
陳山聰都叫林盛斌開班。

 

陳山聰好認同林盛斌講嘅說話。
陳山聰好認同林盛斌講嘅說話。

 

更多第5波疫情資訊,請到以下專頁瀏覽按此

立即下載 | 全新《星島頭條》APP : https://bit.ly/3yLrgYZ

關鍵字

最新回應

關鍵字

相關新聞

熱門文章