薛家燕爆坤哥承諾盡快帶嬌妻返港飯聚 喜見終於變乖肯定下來

薛家燕（家燕姐）日前為新城電台做網上綜藝節目《Captain Nancy開心愛心大放送》，開心跟歌手馮允謙、JW（王灝兒）、王梓軒連同「演鬥聽」樂隊等演出，特別係啱啱新婚嘅吳業坤也越洋現身支持，自彈自唱改編版嘅《陽光點的歌》。提到年前坤哥曾跟家燕姐傳過搞笑「母子戀」，坤哥更膽敢直呼家燕姐做家燕，對於坤哥喺日本秘婚娶得27歲「日本新聞之花」濱口愛子（Aiko Hamaguchi），家燕姐大爆「緋聞男友」承諾盡快回港後帶埋老婆跟她見面，並告知為何突然結婚。

 

當晚由薛家燕、范振鋒、思敏做節目主持。

 

新婚吳業坤獻唱改編版《陽光點的歌》。

 

早年坤哥曾與薛家燕爆出「母子戀」笑料。

 

《Captain Nancy開心愛心大放送》線上綜藝節目日前順利完成。

 

「坤嫂」濱口愛子（Aiko Hamaguchi）好靚女。

 

家燕姐開心說：「我收到坤哥結婚消息後，即聯絡坤哥問佢點解咁神秘？坤哥即笑住話返來會約我見面。我叫佢帶埋太太一齊食餐飯，坤哥應承會盡快返嚟...唔怪得之前我叫佢錄歌時，佢話好忙，原來喺度辦喜事，好戥佢開心，佢終於乖仔定落嚟嘞，我都有問佢點解突然結婚嘅？佢話到時講我知。原來佢咁信得我過㗎...哈！」

 

家燕姐同坤哥好好感情。

 

當晚家燕姐跟王梓軒連同「演鬥聽」樂隊等演出。

 

家燕姐學生鍾柔美(YUMI)助陣表演。

 

更多新冠疫情資訊，請到以下專頁瀏覽（按此）

 

立即下載｜全新《星島頭條》APP：https://bit.ly/3yLrgYZ