林盛斌細仔玩劍擊比賽攞冠軍 聽到老竇大嗌單眼回應

去年劍擊運動員張家朗於奧運勇奪金牌，為港爭光，不少小朋友睇到都話要去學劍擊。而阿Bob（林盛斌）昨日（6日）就於IG分享4歲細仔林道申（Jaye），玩劍擊比賽攞冠軍的影片，片中阿Bob冇出樣，不過佢把聲就叫得最勁，當宣佈Jaye拎冠軍時，阿Bob狂叫細仔個名，又大嗌：「哇，勁呀！好嘢呀！你真係超勁呀！保衛地球！」Jaye聽到老竇大叫，就回頭揮手，又向老竇單眼，可愛到連老竇都忍唔住笑出聲呀！

 

去年劍擊運動員張家朗（右）於奧運勇奪金牌，為港爭光。

 

林盛斌細仔原來都有學劍擊。

 

近日仲攞咗個冠軍，叻仔呀！

 

阿Bob事後於IG留言：「唔好意思，我係激動咗少少，各位觀眾，細佬，冠軍！保護地球嘅責任，就交畀你啦。」更Hashtag「未來張家朗」，可見他多鼓勵兒子在劍擊方面發展。

 

聽到老竇大嗌都揮吓手。

 

幾咁淡定。

 

仲單吓眼添！老竇都忍唔住笑呀！

 

Jaye努力成為未來張家朗啦！

 

更多新冠疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ