劉倩婷疫下外出向長者送暖 善心傳承下一代

慧妍雅集近日聯同德國奶粉品牌、以及黎諾懿、陳山聰、張名雅、陳敏之等藝人發起送暖行動，捐贈逾萬盒米糊予多間安老院及社福機構給長者與小朋友及嬰兒，而慧妍雅集執行委員會會長劉倩婷、邵珮詩、唐麗球更身體力行，親自落區探訪，並向一班「老友記」派發米糊。劉倩婷表示疫情期間一直安在家中抗疫，為慈善無懼冒險外出，因她希望將這顆善心傳承給女兒。

 

近年主力擔當慈善工作回饋社會的劉倩婷，在疫情期間不時落區派發物資，近日她與邵珮詩、唐麗球等先後到老人院舍派發米糊時，遇上一位近90歲的老人家，令她留下深刻印象：「遇到一位好健談嘅老人家，我哋全程企喺度傾偈傾咗半個鐘，雖然對方年紀咁大，但話裡行間好正面同積極，仲倒轉向我哋發放正能量同關懷。」

 

劉倩婷身體力行，親自落區探訪。

 

劉倩婷與長者傾談。

 

第五波疫情嚴峻，劉倩婷與囡囡近兩個月差不多每天留在家中抗疫，她謂：「除咗落區做慈善工作，幾乎都冇出過街，親子時間多咗好多，而我亦好好利用呢段時間去處理咗好多家事、修讀金融課程，同埋準備慧妍雅集40周年慈善羽毛球大賽及大型籌款活動。」問到疫情過後，會否將善心延續下一代，帶囡囡去做慈善工作？劉倩婷說：「絕對會，之前都有帶佢去做慈善工作，等佢感受多啲，令佢知道社會有好多人需要幫助，而家我都有畀囡囡睇多啲新聞，等佢了解多啲社會嘅事。」

 

劉倩婷向長者送上米糊。

 

邵珮詩好細心向長者講解。

 

山聰以行動感染兒子

此外，陳山聰也在社交平台呼籲今次的送暖行動，雖然兒子Jaco未夠兩歲，但山聰已表示希望培養囝囝成小義工：「長者曾經是香港嘅棟樑，為香港建立咗好多嘢，我覺得我哋呢一代要回饋番畀長者；而我作為爸爸，我都希望將呢顆心感染到囝囝，將來疫情好轉，我會帶Jaco去行善，畀佢知道社會有好多人都有好多不足、其實佢好幸福，由細開始培養佢行善，我爹哋培養我，我希望可以培養佢。」

 

更多新冠疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ