作品的說話丨姜濤自編自導反戰新歌MV 宣揚愛與和平

2022-05-01 15:30

昨日（4月30日）是MIRROR成員姜濤23歲生日，大量姜糖湧出「姜濤灣」慶祝，晚上壽星仔姜濤都快閃現身會姜糖。同日姜濤推出個人第十首Solo單曲《作品的說話》，睇個歌名都令人想起他想掛在嘴邊的金句「用作品說話」，而這次他亦以歌曲帶出想說的話，宣揚愛與和平。

姜濤於牛一出新歌兼新歌MV上架。

姜濤早前在一個荒廢咗的商場拍攝新歌MV。

新歌由Gareth.T作曲及編曲、小克填詞，MV昨晚於YouTube上架，一晚就已有近70萬點擊次數，今次MV除了中文字幕亦更加入日、法、英、意、韓文，可能因為俄烏戰爭仍未落幕，歌曲及MV以反戰為主題都吸引了各地網民收看，留言區亦有不同語言的留言，連主辦「全球百大俊男美女」選舉的美國網站TC Candler都留言大讚：「I really like the artistry of this video. Beautifully done.（我很喜愛這影片的藝術性，做得好。）」

連美國網站TC Candler都留言大讚。

以反戰為主題。

姜濤再次執導MV。

姜濤為新歌製作及MV廢寢忘餐。

這次是姜濤繼《孤獨病》後，再次執導演筒，製作非常龐大，於荒廢咗的商場拍攝戰爭避難的畫面，開場一幕又加入CG效果，更找來過百位臨時演員做難民，雖然整個自編自導自演的過程令姜濤廢寢忘餐，但他亦很有滿足感，「呢個商場就係呢個世界、地球嘅縮影，喺入面發生嘅一切，例如爭食物、祈禱、爭拗等，都會喺有戰爭嘅地方發生。」在MV中，姜濤扮演其中一位難民，逃走到商場入面，以姜濤的視覺觀察裡面的人生百態。姜濤說：「喺商場入面會見到好多殘酷嘅事情，但其實所有難民都唔係敵人，冇人係敵對，大家都係無辜者，但結局就好殘忍。」

這次的MV拍攝令姜濤非常有滿足感。

姜濤第一次抱BB。

想帶出避難的氣氛。

新歌想帶出反戰訊息是因為姜濤看到近期一些戰亂照片，令他想到其實每個人本來都是活生生的，生前好幸福，他想像不到若戰爭發生在自己身上，會是怎樣的一回事，所以就產生了這首歌的創作意念，「歌詞方向大改，第二次寫好後小克話用《作品的說話》做歌名，我覺得幾好。大家望落以為今次又係講啲好personal嘅嘢，但其實《作品的說話》係一首關乎所有人嘅歌，用我自己成日講嘅一句說話『用作品說話』去講戰爭，我哋無論乜嘢種族、級別，都一定唔想要有戰爭。」姜濤表示，希望藉著MV告知大家這個世界發生的故事，更希望宣揚Love and Peace訊息，而「世界和平」亦是他今年的生日願望。