姜濤誕｜後援會收警方呼籲小心599G 前夫送祝福：願望成真快啲退休

2022-04-30 11:45

今日（4月30日）是「姜濤誕」的大日子，先祝賀23歲的姜濤生日快樂，身體健康！「前夫」都好有心，踏正凌晨就在「我老婆嫁左比MIRROR導致婚姻破裂關注組」的Facebook專頁送上祝賀，半開玩笑留言：「本來我想直接宣佈今日係4月31號，但我未返屋企，驚返唔到。咁我祝你生日快樂，快啲願望成真，快啲退休，快啲還返個老婆同埋老母比（畀）我！」

前夫都有祝賀姜B生日快樂，完全感受到留言笑中有淚。

今日是姜濤誕，全城姜糖瘋狂！

姜糖今日確實好忙，姜濤香港後援會早已為偶像準備鋪天蓋地的生日應援活動，當中包括在尖沙嘴和銅鑼灣商場設置逾10個限定店打卡位，又請全港市民免費搭電車，並會在「姜濤灣」（銅鑼灣）派發應援物。但據了解，有後援會已經收到警方通知，呼籲小心留意人群聚集問題，別觸犯599G《預防及控制疾病（禁止羣組聚集）規例》！

為令「姜濤誕」增添意義，姜濤香港後援會昨晚在社交網公佈「香港兔唇裂顎協會×姜濤香港後援會x姜濤姜糖將心比心義工團」聯乘限量版套裝金旗，所有認捐的總金額高達HK$1,174,645.26，使病患兒童的治療及香港兔唇裂顎協會服務得以延續。