Edan衣衫盡濕不忘為胞妹考DSE打氣 兩兄妹常鬥嘴超有愛

MIRROR成員呂爵安（Edan）於4月1日推出跳唱新歌《Elevator》，MV上架未夠一個月，已火速突破390萬點擊，成績相當理想。而Edan雖然連日工作忙碌，昨日（27日）跟MIRROR隊友出席新公司記者會，但出名向來是「妹控」的他，不忘為今屆DSE考生的妹妹「小如豬」打氣，他昨在社交網貼出與妹妹的對話截圖，因小如豬昨日應考中國語文聆聽，估計是在等候開考期間，電台播放Edan的新歌，小如豬即向Edan宣告：「今日（昨日）全港聽你首《Elevator》，勁野（嘢） ！個個係（喺）度搖，考得唔好怪你！」

 

Edan（後左三）跟MIRROR出席新公司成立記者會。

 

一向出名好錫妹妹小如豬。

 

寵妹成狂的Edan立即暗喜，除表示希望各位考生聽完都充滿力量，更為小如豬打氣謂：「啊哥的支持」，但卻遭妹妹拒絕兼嫌棄回應：「不了」，慘食檸檬的Edan 繼續為妹妹打氣，並送上心心表情符號，最終亦得到小如豬以咀咀的表情符號回應，冧爆的Edan即開心寫道：「一啖砂糖一啖屎」，非常搞笑，不少爵屎都紛紛留言表示羨慕小如豬有個咁好嘅哥哥，要好好珍惜。

 

Edan貼出跟妹妹的對話截圖， 好有愛呀。

 

兩個細個時都好得意。

Edan昨晚貼出出席記者會的花絮照，相中見他表演後全身濕透，胸肌若隱若現，他留言：「《Innerspace》first LIVE好睇嗎！好耐冇上台表演比大家睇了，今日feel到大家都出盡奶力，表演完之後，真係腳都痛埋同即刻爆汗，好似未試過濕到咁，大癲，希望快啲可以喺台上面見大家啦！」「正印」阮小儀即搞笑留言：「咁都冇透點，好嘢呀吓！」經理人黃慧君（花姐）亦有於社交網派福利，分享12子後台綵排的短片並謂：「出場前的熱血-希望大家能感受到他們的努力。」

 

Edan在記者會上表演完後，衣衫盡濕。

 

真係濕晒架。

 

小儀又第一時間留言。

 

更多第5波疫情資訊，請到以下專頁瀏覽按此  

立即下載 | 全新《星島頭條》APP : https://bit.ly/3yLrgYZ