Juicy叮｜貴婦狗疑遭單車輾過受傷流血港媽斥監護人帶4歲童落荒而逃

2022-04-27 17:12

父母的身教比言教更為重要。一名懷孕港媽帶同愛犬外出時，途中被一名年約4歲小童踩單車從後方輾過愛犬的腳，令牠受傷流血，一名同行大人卻隨即帶小童落荒而逃，港媽狠批對方不負責任。

該名港媽於facebook專頁「生仔要考牌系列」投稿指，視貴婦狗「花花」如女兒般愛錫。事發於上周四（21日），樓主帶狗狗去寵物店沖涼及剪毛，途中經過天橋時，「有個小朋友高速踩住架單車喺我後方衝過嚟」，起初她毫不知情，轉瞬間就聽到「花花」慘叫，才得悉牠受傷。

貴婦狗「花花」。大埔人大埔谷FB圖片

樓主當時用短繩牽狗，並將愛犬抱起。「花花」十分驚慌，咬了樓主一口，「我抱住我隻女（花花），成手都係我個女（花花）嘅血」！由於事發突然，樓主推測小童踩單車快速經過，車輪碌到或夾到「花花」的腳。

樓主透露，無法看清同行的大人樣貌，只知為女性，故推測可能是涉事小孩的媽媽、親人或是外傭，惟對方不但沒有道歉，更帶著小朋友逃走，「佢一句嘢都冇講，直接推佢個小朋友落車！然後就一手扯起架單車，一手扯住佢個小朋友落荒而逃」。她又指，目測該名小朋友只有4歲左右，「我諗小朋友都嚇親，佢一路俾個大人扯住行，一路有望翻轉頭」。

網圖(示意圖;非涉事本人)

樓主又指，當時曾大叫「你唔好走！我隻狗流晒血！」，惟她懷有身孕，而且「花花」不停流血，故只能先到寵物店替牠止血。現時「花花」已看了獸醫生並照X-ray，幸好沒有傷及骨，但腳趾頭有肉壞死，最壞情況須將壞死組織切除。樓主直言未有打算追究，但希望對方有機會見到此帖文，應反省一下自己教育方式，「小朋友需要學識承擔責任，而作為一個照顧者，一個成年人，就更加應該學會咩叫承擔」！　