Juicy叮｜貴婦狗遭綁馬鞍山路邊狂吠半小時 主人冷淡回應：平時都係咁

飼養寵物是一生一世的承諾和責任，但並非每一位主人都可做到。有馬鞍山街坊周六（29日）在社交平台發文，指在鞍誠街的行人路上，見到一隻巨型貴婦狗被綁在路邊欄杆，不停狂吠。事件引來多名街坊圍觀，有人擔心狗狗情況在場陪等半小時，後來發現狗主在附近的餐廳食飯，惟狗主竟冷淡回應，直言「平時都係咁」。帖文刊登一日，引來逾百人「派嬲嬲」，直斥：「唔識養狗唔好養！」

有網民於facebook群組「馬鞍山之友」發文，指周六行經鞍誠街附近的食店時，見到一隻啡色巨型貴婦狗被綁於路邊欄杆，當時狗狗不斷狂吠轉身，狀甚驚慌，而周邊未見有主人。由於狗狗的吠叫聲非常大，因而引起街坊注意，「叫得好可憐咁，成街都聽到，啲街坊喺度圍觀」。

由於狗繩非常短，狗狗不能坐在地上，只能站住轉圈。有熱心街坊不忍狗狗獨自在路邊，於是陪牠在路邊等候，大約半小時後才找到貴婦狗的主人，「原來個主人喺後面間餐廳度食緊嘢……我哋都話個主人唔應該咁樣綁佢喺度曬」。

不過，狗主竟冷淡回應：「平時都係咁」，隨即引來街坊不滿，批評其行為或令狗狗置身危險中，「唔係有街坊走入餐廳搵個主人，個主人都唔會行出嚟，唔明點解有人咁樣對自己的狗狗」。

網民亦認為狗主行為過份，不應將狗狗綁在門口，若發生意外，後果可能不堪設想，「如果要去食嘢，不如唔好帶佢出來！俾人放走咗點算」、「條狗帶咁短，有無諗過佢想坐都坐唔到，更何況佢當時咁驚，扯親條頸仲傷」、「你去食嘢明知唔比狗入，就咪鬼帶狗落街啦。買外賣返屋企食唔得嘅」、「善待生命的人不會是這樣的」。

來源：facebook群組「馬鞍山之友」

立即下載 | 全新《星島頭條》APP : https://bit.ly/3yLrgYZ

一隻貴婦狗被綁馬鞍山路邊狂吠近半小時。fb群組「馬鞍山之友」圖片