獨家丨張蔓莎出道8年終圓歌手夢 孿生姊姊拎叱咤新人金獎

2022-03-24 23:30

蔓莎未來會繼續走創作路線,但間中會跟不同音樂人合作。
蔓莎未來會繼續走創作路線,但間中會跟不同音樂人合作。

張蔓莎早前推出首支單曲《刹那的》,由她親自作曲填詞,出道8年終於圓夢做歌手,她坦承心情既緊張又興奮,幸好去年孿生姐姐蔓姿(Gigi)已出道,有姐姐經驗分享令她安心得多。對於姐姐去年拿下叱咤女新人金獎,她有心理準備大家會拿她們作比較,但兩姐妹感情太好,完全不介意,更不排除會有合作機會。

採訪:杜杜 攝影:葉君海 髮型:Lupus Chui@Orient 4 化妝:Manmanflm 服裝:sandroparis

蔓莎入行6、7以來,除了做演員,還想當歌手。
蔓莎入行6、7以來,除了做演員,還想當歌手。
蔓莎第一首派台作品《刹那的》,由她親自作曲填詞。
蔓莎第一首派台作品《刹那的》,由她親自作曲填詞。

一直知蔓莎恨做歌手多時,終有機會圓夢,她坦言開心之餘,亦份外緊張,因有太多未知數,但幸好Gigi 比她早一年出道,可以向家姐取經,「大家都知我哋關係真係好親密,佢上年作為新人時,佢係一年裏面經歷嘅所有嘢,我都會知道,可能已經打咗個底,作為新人會面對啲乜嘢,但係都預計到每個人遇到嘅嘢都會有唔同。」

MV中,蔓莎飾演快餐店店員。
MV中,蔓莎飾演快餐店店員。
新歌講愛情,MV內當然離不開蔓莎跟男主角談情。
新歌講愛情,MV內當然離不開蔓莎跟男主角談情。

繼續走創作路

《刹那的》原本是蔓莎67年前的作品,由於想法跟現在的她已大不同,所以錄製前再修改了67成,更搵來鍾說修改歌詞,而她又解釋這歌在她芸芸創作中被選中,只因夠簡單直接,「係其中一面嘅張蔓莎,我係一個喜愛幻想嘅人,戀愛係自己其中一個有嘅經歷,我覺得第一首歌,愈簡單直接愈好,但我都有好多個面向,嚟緊都可能會揭示吓,自己另一啲樣題材嘅歌。」

蔓莎跟Gigi 感情極好,從小到現在都是同牀瞓。
蔓莎跟Gigi 感情極好,從小到現在都是同牀瞓。
蔓莎對於Gigi 奪得叱咤女新人金獎,好戥家姐開心。
蔓莎對於Gigi 奪得叱咤女新人金獎,好戥家姐開心。

談到Gigi 奪得叱咤女新人金獎,蔓莎不但好戥家姐開心,更不擔心外界拿兩人來比較,反而覺得互相扶持感覺更強,「其實真係完全唔驚,因為我哋由細到大都已經經歷緊比較呢件事,唔係我𠵱家出歌先嚟比,我哋本身對呢樣嘢已經係零感覺,有晒抗體,同埋我會覺得佢係我嘅一部份,佢好就係我好。我諗如果冇咗佢,會有啲孤身作戰嘅Feel,因為有佢個心定咗。」問到未來目標,她不會放在獎項上,希望繼續創作路之外,有機會跟黃偉文和林家謙等勁人合作,但講到最想合作仍是Gigi ,「唔係因為佢係我家姐,就算佢唔係我家姐我都會幾鍾意呢個人嘅歌,有咩玩係會預佢。」

蔓莎多才多藝,由讀書時代已開始音樂創作。
蔓莎多才多藝,由讀書時代已開始音樂創作。

更多第5波疫情資訊,請到以下專頁瀏覽(按此) https://bit.ly/3JqiBzz

立即下載 | 全新《星島頭條》APP :https://bit.ly/3yLrgYZ

關鍵字

最新回應

關鍵字

相關新聞

You are currently at: std.stheadline.com
Skip This Ads
close ad
close ad