張新悅一家六口拜年 軍訓式講賀詞不斷NG

45歲的張新悅 (Nicola)於07年嫁畀楊哲安，婚後生咗四個囡囡，目前分別12歲、10歲、6歲以及3歲，一家六口相當熱鬧。不過全家出街嘅日子，張新悅就唔會帶埋家傭出去，原因相當特別，「其實個理論好簡單嘅，首先姐姐已經係廿四小時留喺屋企，但我唔係成日喺屋企，咁如果我嘅小朋友出街嘅時候都有姐姐喺度嘅話，咁其實佢就做咗佢阿媽啦！」

 

張新悅經常上載全家福到社交平台。

 

楊太嘅邏輯都幾特別，不過睇佢叫家傭姐姐拍賀年片段，都知佢啲性格比較古怪。就咁嘅，張新悅安排四個女各自講一句賀詞，由爸爸抱住嘅細女Lola開始講，然後三女Leah再到次女Lily，跟住係大女Lucy，最後全家一齊講國泰民安，由於大女講咗細女嗰句恭喜發財，同埋細女冇望鏡頭，搞到NG咗幾次，負責拍攝嘅家傭姐姐問使唔使Cut，靚媽就有啲勞氣話唔使，錄拜年片搞到軍訓咁，小朋友會唔會好大壓力㗎?
 

企好隊形齊拜年。

 

因為唔齊再嚟過。

 

大家姐講咗細妹嗰句又嚟過。

 

二女及三女企前面想鬧交。

 

細女唔望鏡頭又要再錄過。

 

揸機嘅傭人姐姐問使唔使Cut，女主人有啲勞氣話唔使。

 

3歲細女都係唔望鏡頭，要爸爸指示再錄過。

 

終於錄完，因為女主人話唔好cut，姐姐拍完都無cut機，所以個尾影晒啲腳，張新悅照放出嚟。

立即下載 | 全新《星島頭條》APP : https://bit.ly/3yLrgYZ