周汶錡兩個囝囝玩動態拜年 Rosanne兒子祝你虎年快樂

47歲名模靚媽周汶錡(Kathy)雖然嫁咗法籍老公，但思想好傳統，安排兩個囝囝，6歲大仔雷棨宇（Jacques）及4歲雷棨博(Avner)入讀傳統學校，因為靚媽想囝囝學好中文，要識寫又識講。過年咁大件事，Kathy安排兩個囝囝着上棗紅色棉衲同大家拜年，「恭喜發財，身體健康，大吉大利！」哥哥講大吉大利做埋動作張開雙手，講完兩位仲跳跳紥，呢啲係咪叫動態拜年?

 

Kathy兩個囝囝真係好可愛，返學應該好受女同學歡迎。

 

講之前仲好正經。

 

愈講愈High。

前組合2R成員，42歲的黃婉君（Rosanne）於09年同混血牙醫男友 Derek 結婚，婚後育有兩子，9歲白迅(Dylan)及7歲白晨(Daniel)，Rosanne亦安排囝囝着上金色棉衲，用普通話講祝賀語，祝大家虎年快樂及健康。另外，年初二，Rosanne亦跟傳統食撈起，希望虎年撈到風生水起。
 

Rosanne着住旗袍預備「撈起」。

一路撈一路講恭喜發財。

 

立即下載 | 全新《星島頭條》APP : https://bit.ly/3yLrgYZ