星島獨家丨七仙羽教林靜莉揀花助催運撐姜濤做亞洲第一

2022-02-04 03:00

七仙羽（七師傅）絕對是近年最紅的風水師，由於是馬來西亞華僑，所以講得一口「唔鹹唔淡」的廣東話，其搞笑談吐深受網民歡迎，金句「師傅愛你」深入民心。自ViuTV真人騷《七救星》播出後，據知短短幾個月就接拍近半百廣告，早前又參演賀歲電影，及為張敬軒紅館演唱會擔任表演嘉賓，吸金力超強！

除了密密接job搵真銀外，七師傅平時亦經常參與慈善活動熱心助人，早於2013年已開設佛堂向露宿者及基層人士派發食物和日用品。過年前，七師傅特地帶來之前在節目《鬼同你上位》合作過的林靜莉到花墟揀年花，靜莉是前港姐鐘慧冰的寶貝女，七師傅這次幫助靜莉催旺桃花，更順帶預測男團MIRROR及ERROR的虎年運程！

林靜莉係鍾慧冰囡囡。

七師傅帶林靜莉去買花。

當日，七師傅教導靜莉如何揀花人財兼收：「旺財運揀黃色，旺桃花揀粉紅色。」並豪氣地說要把整家花店的花買給靜莉！其後七師傅與靜莉各自拿起一盆蘭花，師傅聞了一下黃色蘭花，鬼馬問道：「好香呀，你聞唔聞到啲錢味呀？」聞完粉紅色蘭花又問道：「你聞唔聞到男人陣除呀？」惹得靜莉捧腹大笑。
今年樂壇有不少新星彈起，被問及有甚麼花旺MIRROR，七師傅表示：「永遠都可以擺玫瑰花，因為玫瑰花一年四季都咁啱用，既旺桃花又旺人緣，充滿正能量。」屬豬的靜莉也把握機會叫七師傅贈她幾句，師傅指：「豬今年犯太歲，要先化太歲。」

七師傅教林靜莉聞花。

七師傅自爆有留意吒咤賽果，全因「下一世老公」張敬軒，七師傅表示：「我嘅下一世老公終於都攞大獎，恭喜！」她更向靜莉介紹：「我的下一世老公叫張敬『謙』，係謙虛個謙。」提及姜濤在頒獎禮中豪言表示香港歌手將可以成「亞洲第一」，對此七師傅表示：「不論是姜濤、MIRROR、ERROR等等，攞獎的都是我的朋友，我想我所有朋友都攞第一。姜濤話香港樂壇要成為亞洲第一，點會唔得呢？因為人一定要有夢想和理想！所以我支持姜濤，你話亞洲第一，話全世界第一都得啦，有實力、又靚仔又後生，唱又得跳又得，梗係得啦！」