高海寧港鐵站撞到女神廚師陳曉樺 自拍大叫「黐線㗎」

高海寧（高Ling)最近拍完TVB劇《童時愛上你》，本周四就係佢嘅35歲生日。睇高Ling IG有吹蠟燭相，已有老友同佢提前慶祝。準壽星今日喺港鐵站偶遇拍《男神廚房》節目認識的「女神級」廚師老友陳曉樺（Hilda），兩人因為呢個邂逅非常驚喜！

已有老友同高Ling預祝生日。

高Ling上載咗呢段偶遇片到IG，高Ling表示：「我頭先啱啱打畀一個人同佢講我有啲掛住佢，跟住。(Hilda突然跳入鏡）竟然佢就出現咗係我面前，我哋喺同一個時間出現係同一個地點。」Hilda立刻對住鏡頭講：「我哋1+1真係大過2㗎。」高海寧愈諗愈激動，對鏡頭大嗌「黐線㗎！點解會咁㗎！」點解高Ling會咁激動，睇佢點講，「在沒有約定的情況下，兩個人在同一個時間點，一起出現在同一個地點的機率有多大？還碰巧我剛好想起她，互通了一個電話才知道她剛巧就在我身後，這種強烈的磁場感應真的好神奇。果然我跟你的相遇是特別的。1 +1〉2是真的好癲。」

 

本來一個人。

再撞到老友。

《男神廚房》中的Hilda。

兩人因合作《男神廚房》已而變成老友。