任晴佳蛇腰長腿超亮眼 青春活力大把人追

影帝任達華與名模琦琦嘅17歲女兒任晴佳（Ella）遺傳咗兩人嘅優秀基因，顏值極高，真係索爆星二代，之前Ella被拍到與一名男生同車惹嚟拍拖傳聞。不過，爸爸任達華日前出席港台活動上就否認愛女蜜運中，強調只係正常社交，女兒要讀書先，咁有EQ華哥仲被問到面黑黑，好唔like。不過，本報記者就收到風，Ella真係有好多男仔追，而且男同學都係系出名門，非富則貴，但啲男仔要過到華哥呢關都唔容易。

任晴佳遺傳咗兩公婆嘅優秀基因。

 

任晴佳咁索難怪有咁多男仔追。

 

任晴佳有逆天長腿。

 

當日任達華跟炎明熹及姚焯菲現身港台活動時，被追問囡囡拍拖就唔多like。

Ella唔止個樣標緻，仲天生有蛇腰及逆天長腿，就算喺𠵱家疫市都接到唔少Job，成為模特兒界寵兒。見她post出嘅靚相，相中展露纖腰，就算着住深色緊身legging都突顯逆天長腿，見她大擺S甫士，真係比推銷嘅名貴包包更加亮眼，網民形容她係「女神Ella」、「Sexy mf」。

任晴佳唔止靚，仲青春無敵。

 

任晴佳喺疫市下仍然成為廣告商龐兒。

 立即下載 | 全新《星島頭條》APP : https://bit.ly/3yLrgYZ