Ash認離婚後刪上月對戒廣告Po 網民嘲倒米製公關災難

2022-01-05 07:30

鍾卓穎（Ash）自參加《造星IV》便人氣急升，雖然最終於60強止步，但仍不阻她在娛樂圈發展，近來更接下不少廣告。不過多咗人識連帶私生活亦成為網民討論焦點，早於《造星IV》播出時就被爆人妻身份，接受訪問時都不時將老公掛喺嘴邊，才剛結婚一年，仍是新婚階段，看似非常甜蜜，但日前就宣布婚已離。

Ash結婚約一年就閃離。

近日同MC傳出緋聞。

被指平安夜齊齊行超市。

失婚更疑背夫出軌的傳言令不少廣告商對Ash卻步，連帶已出街的廣告都受影響。上月中Ash為首飾品牌新出的對戒於IG出廣告Po，更提到老公一直對她的支持，透露老公趁品牌新店開幕送對戒給她做禮物。但網民發現其實早於11月中二人婚姻疑似已出現問題，但Ash之後的訪問及廣告仍不時提到老公，感覺依然恩愛，現在回看頗為諷刺。

呢個廣告Po已經被Ash Del咗。

個廣告見街約2星期，Ash就宣布離婚……

有網民前日（2日）於「連登討論區」認為Ash為首飾品牌倒米：「賣完（廣告）兩個星期都冇就離婚仲疑似搭上第二個，婚禮用品咁講意頭，離婚咁唔老黎，邊個仲會幫襯佢哋？」認為Ash為首飾品牌製造公關災難。但昨日（4日）再看Ash的IG，已經冇咗呢個首飾品牌廣告Po，好彩就刪除了事，但影響到首飾品牌聲譽，萬一被追究分分鐘要賠錢都唔定呀！